Дар доираи амалисозии чорабиниҳои иттилоотӣ ва фаҳмондадиҳӣ оид ба навовариҳо дар қонунгузории муҳоҷирати Федератсияи Россия дар назди Маркази сершуғли муҳоҷират баргузор гардид.
Чорабинии мазкур бо иштироки кормандони дастгоҳи марказии Хадамоти муҳоҷират, МД “Марказҳои машваратӣ ва омодагӣ пеш аз сафари муҳоҷирони меҳнатӣ” дар шаҳри Душанбе ва намояндагони Созмони байналмилалии муҳоҷират дар Тоҷикистон (СБМ) доир гардида, ба масъалаҳои марбут ба тағйиру иловаҳои воридгардида ба қонунгузории муҳоҷирати Федератсияи Россия бахшида шуд.
Мақсади асосии баргузории чорабинӣ баланд бардоштани сатҳи огоҳии шаҳрвандон, аз ҷумла муҳоҷирони меҳнатӣ, вобаста ба муқаррароти нави қонунгузории муҳоҷират, таъмин намудани риояи талаботи қонунгузории амалкунанда ва пешгирии қонуншиканиҳо дар раванди муҳоҷират мебошад.
Зимни чорабинӣ иштирокчиён бо навовариҳои қонунгузории муҳоҷирати Федератсияи Россия шинос гардида, доир ба масъалаҳои мубрами муҳоҷирати меҳнатӣ маълумоти муфассал гирифтанд. Ҳамчунин ба саволҳои пешниҳоднамудаи иштирокчиён ҷавобҳои мушаххас ва шарҳҳои зарурӣ дода шуданд.
Гузаронидани чунин чорабиниҳои иттилоотию – фаҳмондадиҳӣ ба баланд бардоштани сатҳи маърифати ҳуқуқии муҳоҷирони меҳнатӣ мусоидат намуда, ҷиҳати таъмини муҳоҷирати қонунии шаҳрвандони Ҷумҳурии Тоҷикистон аҳамияти муҳим дорад.
Маркази матбуоти Хадамоти муҳоҷират
