Бо мақсади гузаронидани корҳои иттилоотрасонӣ миёни шаҳрвандон-муҳоҷирони меҳнатӣ ва оилаи онҳо оид ба тағйиротҳои қонунгузории кишварҳои қабулкунанда дар самти муҳоҷирати меҳнатӣ вохӯрии мудири бахши Хадамоти муҳоҷират дар ноҳияи Ашт Назарова Сулҳия дар якҷоягӣ бо мутахассиси пешбари шуъбаи Агентии меҳнат ва шуғли аҳолӣ дар ноҳия Мамадҷонова Ойсара дар Ҷамоати деҳоти Ориён бо сокинон вохӯрӣ баргузор гардид.

Мақсад аз баргузории чунин чорабинӣ, ин дар амал татбиқ намудани дастуру супоришҳои Роҳбарияти Олии мамлакат, Пешвои муаззами миллат муҳтарам Эмомалӣ Раҳмон ҷиҳати тақвият бахшидани корҳои фаҳмондадиҳӣ оид ба ҷалби ҷавонон ба касбу ҳунар, пешгирии шомилшавии ҷавонон ба ҳизбу ҳаракатҳои экстремистиву террористӣ, муҳоҷирати бехатар, пешгирии коррупсия, қаллобӣ ва дигар масъалаҳои мубрам мебошад.

Қайд карда шуд, ки ҳар як шаҳрванд бояд ифтихор намояд, ки дар тӯли солҳои Истиқлоли давлатии Ҷумҳурии Тоҷикистон бо сарварии Пешвои миллат чӣ қадар дигаргуниҳои куллӣ дар бобати ба эътидол овардани вазъи сиёсию иқтисодии мамлакат, дарёфт намудани роҳи рушди босуботи иқтисодию иҷтимоии кишвар ва дар ин асос баланд бардоштани сатҳи зиндагии мардум ба амал омадааст. Ҳарчанд, ки роҳи тайнамудаи Ҷумҳурии Тоҷикистон дар ҷодаи ваҳдату якпорчагӣ ҳамвор набуд, вале мардуми шарафманди мо ба хотири таҳкими пояҳои давлатдории миллӣ, ҳифзи марзу буми аҷдодӣ, сарчашмаи миллат, густариши фазои сулҳу оромӣ ва тақвияти худшиносии миллӣ саъю талошҳои бесобиқа анҷом додаанд ва итминони комил дорам, ки наслҳои оянда аз онҳо ҳамчун намунаи ватандориву ватандӯстиро ёд хоҳанд кард.

Ҳар як фарди бонангу номус ва худогоҳи ҷомеа бояд ҳамеша дар хотир дошта бошад, ки танҳо истиқлолияту озодӣ омили муҳимтарин пойдории давлат ва бақои миллат мебошад ва вазифаи ҳамаи мост, ки ба хотири ҳифзу тақвияти ин муқаддасоти миллӣ пайгирона кӯшиш намоем.

Маркази матбуоти Хадамоти муҳоҷират