Бо ташаббуси бахши Хадамоти муҳоҷират дар ноҳияи Дарвоз мулоқоти судманд бо сокинони ноҳия, аз ҷумла бо аъзои оилаи муҳоҷирони меҳнатӣ баргузор гардид.
Дар рафти мулоқот мудири бахши Хадамоти муҳоҷират дар ноҳия Дагиев Зиёратшо ба сокинони ноҳия оид ба риояи қонунгузории кишвари иқомат, тартиби ба роҳ мондани фаъолияти ҳар як муҳоҷир тибқи талаботҳои муқаррарнамудаи қонунгузорӣ, барасмиятдарории саривақтии ҳуҷҷатҳои дахлдори танзимкунандаи будубоши қонунӣ, дури ҷустан аз ҳар гуна гурӯҳҳои террористиву экстремистӣ, ифротгарову хуруфотпараст ва оиди бемориҳои вируси норасоии масъунияти бадан (ВИЧ/СПИД) корҳои фаҳмондадиҳӣ гузаронида шуд.
Илова бар ин, ба самъи сокинон расонида шуд, ки аз гузаронидани маблағ аз кортҳои бонкии худ бо дархости шахсони бегона худдорӣ намоянд, зеро чунин амал метавонад ба маблағгузории гурӯҳҳои террористӣ ва экстремистӣ мусоидат кунад ва барои онҳо ҷавобгарии қонунӣ ба миён оварад.
Дар фарҷоми мулоқот ба иштирокдорон варақаҳои иттилоотӣ ва раҳнамои Хадамоти муҳоҷират тақсим карда шуд.
Маркази матбуоти Хадамоти муҳоҷират
