Бо ибтикори бахши Хадамоти муҳоҷират дар ноҳияи Деваштич дар Ҷамоати деҳоти Яхтан вохӯрии навбатӣ бо сокинону фаъолони деҳаи Хоҷа Тоҳир бо иштироки муовинони раиси ноҳия Файзуллозода Н., ва Нуруллозода Г., сармеъмори бахши меъмори Аҳадов М., мудири бахши Хадамоти муҳоҷират Зиёзода Д., ва раисони маҳаллаҳо баргузор гардид.

Дар вохӯрӣ вобаста ба масъалаҳои тарғибу ташвиқи сиёсати имрӯза, даъвати ҷавонон ба сафи Қувваҳои Мусаллаҳ, пешгирии шомилшавии ҷавонон ба ҳизбу ҳаракатҳои ифротӣ, теророризму экстремизм, муҳоҷирати бехатар, стратегияи давлатии муқовимат бар зидди коррупсия, оиди Қонуни Ҷумҳурии Тоҷикистон “Дар бораи муқовимат ба савдои одамон ва расонидани кумак ба қурбониёни савдои одамон”, ва рафти амалишавии Қонунҳои Ҷумҳурии Тоҷикистон “Дар бораи муҳоҷират” ва “Дар бораи масъулияти падару модар дар таълиму тарбияи кӯдак” гузаронида шуд.

Мудири бахши Хадамоти муҳоҷират дар ноҳия оиди муаммоҳое, ки дар муҳоҷирати меҳнатӣ дучори муҳоҷирон мегардад сухан ронда, муҳоҷирон ва аъзои оилаи онҳоро огоҳонид, ки ҳангоми сафар кардан ба давлатҳои хориҷӣ, хусусан ба Федератсияи Россия аз қонуну қоидаҳое, ки дар он давлат амал мекунад, воқиф буда, тартиби будубошро ва тартиби фаъолияти меҳнатиро риоя кунанд.

Аз ҷумла, доир ба фаъолияти меҳнатии шаҳрвандони Ҷумҳурии Тоҷикистон, ки ба қаламрави Федератсияи Россия ворид мегарданд, оиди тағйиротҳои воридкардашуда ва шиносоӣ бо қонунҳои амалкунанда,  суҳбат гузаронида шуд.

Ҳамзамон, ба сокинон барои муҳоҷирати бехатар ба давлатҳои хориҷа, якчанд дастуру супоришҳо оиди барасмиятдарории хуҷҷатҳо ва барои гирифтани иҷозатномаи кор дар хориҷа дода шуд.

Маркази матбуоти Хадамоти муҳоҷират