Тибқи нақша-чорабинии шуъбаи Хадамоти муҳоҷират дар шаҳри Хуҷанд вобаста ба муҳоҷирони ба ватан бозгашта, барои бо ҷойи кор таъмин намудан дар дохили кишвар ё бо касбомӯзӣ, забономӯзӣ фаро гирифтанд, дар утоқи корӣ вохӯрии судманд гузаронида шуд.

Дар рафти вохӯрӣ оид ба қоидаҳои нави Федератсияи Россия дар самти муҳоҷират, муҳоҷирати бехатар, пешгирии шомилшавии ҷавонон ба ҳар гуна ҳизбу ҳаракатҳои ифротӣ, пешгирии муқовимат бар зидди коррупсия фаҳмонида дода шуд.

Муҳоҷирони баргаштае, ки ба Федератсияи Россия нияти сафар доранд, бояд пеш аз оғоз патент гиранд. Ҳуқуқи кор бе патент қатъиян манъ аст ва метавонад бо ҷарима ё ихроҷ анҷом шавад.

Қайд карда  шуд, ки бояд дар давоми 30 руз пас аз ворид шудан ба Федератсияи Россия  худро дар мақомоти муҳоҷират сабти ном кунанд. Ҳама муҳоҷирон бояд ҳуҷҷатҳои расмӣ дошта бошанд ва қонуни будубошро риоя намоянд.

Дар суҳбат бо шаҳрвандон – муҳоҷирони меҳнатӣ, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди сертификат оиди донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан дар қаламрави Федератсияи Россия, гирифтани патент, тартиб додани шартномаи меҳнатӣ, танҳо бо шиносномаи хориҷӣ ворид шудан, шомил нашудан ба ҳизбу ҳаракатҳои ифротгароӣ, экстремизм ва терроризм ва муқовимат ба савдои одамон ва расонидани кумак ба қурбониёни савдои одамон, суханронӣ намуданд

Дар фарҷом ба ҳар яки онҳо дастурамали мухтасар оиди муҳоҷирати меҳнатӣ ва варақаҳои иттилоотӣ – маърифатӣ тақсим карда шуданд.    

Маркази матбуоти Хадамоти муҳоҷират