Бо ибтикори бахши Хадамоти муҳоҷират дар шаҳри Конибодом  мулоқоти судманд бо фаъолон ва сокинони Ҷамоати деҳоти Пулотон, деҳаҳои Сари Мазор ва Зарбед, ки қисми онҳо муҳоҷирони ба ватан баргашта мебошанд баргузор гардид.

Дар мулоқот мудири бахши бойгони назди МИҲД-и шаҳр – Маҳмудов Баҳодурҷон, мудири бахши Хадамоти муҳоҷират дар шаҳр – Толибова Фарзона, мудири шуъбаи ташкилии КИ ҲХДТ дар шаҳр – Ализода Акмал иштирок ва суханронӣ намуданд.

Дар рафти мулоқот ба ҳозирин оид ба муҳоҷирати бехатар, пешгирии шомилшавии ҷавонон ба гурӯҳҳои экстремистӣ ва террористӣ, инчунин тамдид гардидани қонунигардонии будубош дар Федератсияи Россия, ироа гардид.

Аз ҷумла, мудири бахши Хадамоти муҳоҷират доир ба навовариҳо дар қонунҳои амалкунандаи Федератсия Россия, муҳоҷирати бехатар (тарзи дуруст пешниҳод намудани ҳуҷҷатҳо барои гирифтани патент, бо таври содда фаҳмонида дод), додани қарзҳои имтиёзнок ба муҳоҷирони баргашта баромад намуд ва варақаи иттилоотӣ оид ба касбомӯзӣ, забономӯзӣ ва гирифтани қарзҳои имтиёзнок суханронӣ намуд.

Инчунин, зимни мулоқот бо сокинони деҳаи Диловарон оид ба вазъи муҳоҷират дар Федератсияи Россия қайд гардид, ки муҳоҷирони меҳнатӣ ҳангоми ба Федератсияи Россия сафар намудан, бояд аз қонунгузории нави кишвари Россия дар самти муҳоҷират огоҳ бошанд. Тартиб ва мақсади воридшавӣ дар муҳлати муқаррар гардида ҷамъоварӣ ва пешниҳод намудани маводи зарурӣ ба ВКД Федератсияи Россия оид ба муҳоҷирати минтақавӣ барои гирифтани патент ва риояи будубоши муваққатии шаҳрвандони хориҷӣ ошно намуда, роҳҳои ҳалли онро низ ба онҳо ба таври содда фаҳмонида дода, ба саволҳои  пешниҳодгардида ҷавобҳои мушаххас доданд.

Ҳамзамон, ба самъи ҳозирон расонида шуд, ки дар ҳолати пайдо гардидани мушкилотҳо метавонанд ба намояндагии Вазорати меҳнат, муҳоҷират ва шугли аҳолии Ҷумҳурии Тоҷикистон дар Федератсияи Россия муроҷиат намоянд.

Маркази матбуоти Хадамоти муҳоҷират