Бо ташаббуси шуъбаи Хадамоти муҳоҷират дар шаҳри Хуҷанд суҳбати самимӣ бо сокинони маҳаллаи “Тиллокон”-и шаҳри Хуҷанд баргузор гардид. Мақсади чорабинӣ ин баланд бардоштани маърифати ҳуқуқии аҳолӣ, пешгирӣ ҷинояткорӣ ва ташвиқи ҷавонон ба зиндагии фаъол дар ҷомеа мебошад.

Баромадкунандагон қайд намуданд, ки он нафароне, ки ба муҳоҷирати меҳнатӣ сафар мекунанд, бояд қонунгузории кишвари қабулкунандаро риоя намоянд, аз ҷумла, қоидаҳои будубош, шартномаи меҳнатӣ, меъёрҳои муҳоҷират ва тартиботи ҷамъиятӣ. Вайрон намудани қонунҳо метавонад боиси ихроҷ (депортатсия), ҷарима ё дигар чораҳои ҳуқуқӣ гардад, ки ба будубоши онҳо ва имконияти сафарҳои минбаъда таъсири манфӣ расонад.

Ҳамзамон, хотиррасон менамоем, ки шаҳрвандони Ҷумҳурии Тоҷикистон муҳоҷирони меҳнатӣ, ки фаъолияти меҳнатиро дар Федератсияи Россия анҷом медиҳанд, уҳдадоранд мустақилона мақомоти ҳудудии ВКД Россияро дар бораи бастани шартномаи меҳнатӣ огоҳ намоянд.    

Инчунин, худдорӣ аз нигоҳ доштан ё истифода бурдани ашё ва асбобҳои шубҳанок қатъиян аз гирифтан ё истифода бурдани ашё ва асбоб ё таҷҳизотҳои шубҳанок, ки метавонад, ҳамчун силоҳи сард арзёбӣ шаванд (масалан, корд, асбобҳои дорои канори тез, ашёи металлӣ) худдорӣ намоянд. Ҳатто онҳоро безарар ҳисобанд, ҳам мақомоти ҳифзи ҳуқуқ метавонад онҳоро ҳамчун ашёи эҳтимолан хатарнок қабул намоянд.

Маркази матбуоти Хадамоти муҳоҷират