Бо ташаббуси шуъбаи Хадамоти муҳоҷират дар шаҳри Хуҷанд бо фаъолзанон дар Донишкадаи политехникии ба номи академик М.С.Осимӣ дар шаҳри Хуҷанд мулоқот баргузор гардид.
Дар вохӯрӣ оид ба қоидаҳои нави муҳоҷирати меҳнатӣ дар ФР сухан намуда, иброз доштанд, ки муҳоҷирати меҳнати яке аз роҳҳои асосии таъмин намудани зиндагии бисёр оилаҳо ба ҳисоб меравад. Дар баробари ин, солҳои охир қоидаҳо ва талаботҳо барои муҳоҷирон сахтар гардидааст. Пеш аз ҳама, ҳар як шаҳрванд баъд аз ворид шудан ба кишвари Россия дар муҳлати муаяйн худро ба қайди муҳоҷират гузорад.
Ҳамчунин, барои фаъолияти меҳнатӣ гирифтани патент ҳатмӣ мебошад. Барои гирифтани он, шаҳрванд бояд аз имтиҳонҳои забони руси, таърих ва асосҳои қонунгузорӣ гузаранд, инчунин аз муоинаи тиббӣ гузашта, суғуртаи тиббӣ дошта бошанд. Қоидаҳои нав инчунин назорати сахтро пешбини мекунанд. Дар ҳолати надоштани ҳуҷатҳои зарурӣ ё вайрон кардани қонун, шахс метавонад ба рӯйхати манъи воридшавӣ дохил карда шавад.
Дар Федератсияи Россия ҳазориспанд ба рӯйхати гиёҳҳои мамнӯъи маводи мухаддир шомил шудааст. Сарвазири Федератсияи Россия Михаил Мишустин ислоҳот ба қарор дар бораи феҳристи маводи мухаддире, ки таҳти назорати давлатӣ қарор доранд, ба имзо расонид. Ба руйхат моддаҳои нав дохил карда шудаанд. Ба феҳристи гиёҳҳои мамнӯъ чунин гиёҳҳо, аз қабили Turbinate corymbose, инчунин Ҳармала, ё тавре, ки дар Тоҷикистон мегӯянд, Ҳазориспанд дохил мешаванд.
Онҳо дорои алкалоидҳои психотропӣ мебошанд. Аз ин рӯ, қисмҳои онҳо дар тибби халқӣ ва анъанаҳои шаманӣ истифода мешаванд. Онҳо бо пешниҳоди ВКД “бо мақсади пешгирӣ аз парвариш ва муомилоти ғайриқонунии онҳо дар қаламрави Россия” ба “Рӯйхати растаниҳои дорои воситаҳои нашъадор ё моддаҳои психотропӣ ё прекурсорҳои онҳо ва таҳти назорат қарордошта дар Федератсияи Россия” ворид карда шуданд.
Сабаб дар он аст, ки дар тухми ин растанӣ моддаҳои галлюиногенӣ мавҷуданд. Тибқи матни ҳуҷҷат, парвариши даҳ ё зиёда бехи шӯҳрати субҳ тибқи модда ҷазо дода мешавад. Моддаи 231-и Кодекси ҷиноӣ (Парвариши ғайриқонунии растаниҳои дорои воситаҳои нашъадор ё моддаҳои психотропӣ). Ҷазои ҳадди аксар тибқи ин модда то ҳашт соли зиндон аст. Аз 10 то 100 бех гул руёндани ҷинояти калон, зиёда аз 100 бех ҷинояти махсусан калон ҳисоб карда мешавад.
Маркази матбуоти Хадамоти муҳоҷират
