Тибқи нақшаи тасдиқгардидаи Раёсати Хадамоти муҳоҷират дар вилояти Суғд кормандони масъули бахши Хадамоти муҳоҷират дар “Фурудгоҳи байналмилалии Хуҷанд” ва бахши Хадамоти муҳоҷират дар шаҳри Гулистон бо муҳоҷирони меҳнате, ки ба самти Уфаи Федератсияи Россия сафар менамуданд доир ба мавзуи муҳоҷирати бехатар, пешгирии экстремизм ва терроризм корҳои фаҳмондадиҳӣ гузаронида шуд.
Дар рафти сухбат бо муҳоҷирон доир ба қонунҳои нави амалкунандаи Федератсияи Россияи дар самти муҳоҷирати меҳнатӣ, инчунин оид ба масъалаҳои пешгирии шомилшавии ҷавонон алалхусус муҳоҷирони меҳнатӣ ба ҳизбу ҳаракатҳои ифротгаро, одамрабоӣ, зуроварӣ дар оила баррасӣ гардида зикр намуд, ки терроризм ва экстремизм ҳамчун вабои аср ба амнияти ҷаҳон ва ҳар як сокини сайёра таҳдид намуда, барои башарият хатари на камтар аз силоҳи ядроиро ба миён овардааст. Терроризм ва экстремизм имрӯзҳо хусусияти байналмилалиро касб карда аст, ки абарқудратҳо ба воситаи он манфиатҳои миллию давлатиашонро ҳимоя мекунанд.
Ин зуҳурот на танҳо ба сиёсати дохилии кишварҳои алоҳида, балки дар муносибатҳои давлатҳои ҷудогона роҳандозӣ шуда истодааст, ки Пешвои миллат муҳтарам Эмомалӣ Раҳмон дар ин радиф қайд намуда буданд: “Мубориза бо терроризм ва экстремизм фароҳам овардани фазои боварӣ, эҳтиром ба манфиатҳои ҳамдигар ва муттаҳид шудани ҳамаи кишварҳои дунёро дар пешорӯи ин хатари умумӣ тақозо менамояд.
Ифротгароӣ ва терроризм – яке аз чунин зуҳуроти номатлуби замони муосир ба шумор рафта, мубориза бар зидди он қарзи ҳар як инсони комил мебошад.
Маркази матбуоти Хадамоти муҳоҷират
