Хадамоти муҳоҷират тибқи Нақша – чорабиниҳо оид ба татбиқи Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 ва таҳлили хавфҳои коррупсионӣ санаи 6 майи соли 2026, дар толори Хадамот бо иштироки муовини сардори раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон майори адлия Акрамзода Ёсуман Абдуҳалим, хониши идоравиро баргузор намуд.
Ҷамъомади мазкурро муовини Сардори Хадамоти муҳоҷират Заробов Раҳмоналӣ оғоз намуда, аҳли толорро бо рӯзномаи хониши идоравӣ шинос намуда, вобаста ба амалисозии Стратегияи мазкур андешаронӣ намуда, суханро ба муовини раёсати иуқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Ёсуман Акрамзода доданд.
Мавсуф, дар бораи мазмуну мундариҷаи Стратегияи номбурда маълумоти муфассал дода, аз ҷумла қаӣд карданд, ки ҳадафи асосии он таъмини шаффофият, масъулиятнокӣ ва самаранокии фаъолияти давлатӣ ва ҷамъиятӣ буда, чораҳои муассирро бобати пешгирӣ, ошкор ва коҳиш додани коррупсия роҳандозӣ менамояд. Коррупсия зуҳуроти номатлубест, ки эътимоди мардумро ба давлат коста гардонида, обрӯву эътибори онро коҳиш медиҳад ва боиси поймолшавии ҳуқуқи инсон ва заиф шудани пояҳои ахлоқии ҷомеа мегардад.
Аз ҷумла, дар бораи бандҳои алоҳидаи ҳуҷҷати мазкур андешаронӣ карда, қаӣд карданд, ки ба ҳамаи мо зарур аст, ки ҷиҳати пешгирии амалҳои коррупсионӣ, риоя ва амалисозии санадҳои меъёрии ҳуқуқии вобаста ба масъалаи мазкур, тартиботи ҳуқуқӣ, рушди фарҳанги зиддикоррупсионӣ дар ҷомеа, баланд бардоштани сатҳи огоҳии шаҳрвандон, дар якҷоягӣ чораҳои зарурӣ андешем.
Ҳамчунин оид ба методологияи тартиб ва методикаи гузаронидани таҳлили фаъолият (хавфҳои коррупсионӣ) асосҳои ташкилӣ ва методии раванди таҳлили хавфҳои коррупсияро дар вазоратҳо, кумитаҳои давлатӣ, дигар мақомоти давлатӣ, мақомоти иҷроияи маҳаллии ҳокимияти давлатӣ, дигар мақомоти идоракунии давлатӣ, мақомоти худидоракунии шаҳрак ва деҳот, субъектҳои хоҷагидори давлатӣ, субъектони хоҷагидоре, ки на кам аз нисфи сармояи оинномавии онҳоро ҳиссаи давлат ташкил медиҳад, инчунин ташкилотҳои ғайритиҷоратӣ, аз ҷумла иттиҳодияҳои ҷамъиятӣ, ҳизбҳои сиёсӣ, ташкилотҳои байналмилалие, ки дар ҳудуди Ҷумҳурии Тоҷикистон фаъолият мекунанд муқаррар менамояд, суханронӣ намуд.
Қайд гардид, ки мақсади методологияи мазкур, бо дарназардошти таҳлили фаъолият (хавфҳои коррупсионӣ) дар ташкилотҳо раванди ошкор намудани омилҳои институтсионалӣ (хоси ташкилот), ки ба коррупсия мусоидат менамоянд ё метавонанд ба он замина гузоранд ва ҳамчунин таҳияи тавсияномаҳо оид ба аз байн бурдани натиҷаҳои таъсири онҳо мебошад.
Дар охир саволу ҷавоб доир гардида, кормандон ба саволҳои худ посухҳои асоснок гирифтанд.
Чорабинии мазкурро муовини Сардори Хадамоти муҳоҷират Заробов Раҳмоналӣ ҷамъбаст карда, иброз намуд, ки ҷиҳати татбиқи марҳилаи аввали Стратегияи давлатии муқовимат ба коррупсия дар Ҷумҳурии Тоҷикистон дар соли 2026 аз ҷониби Хадамот тадбирҳои судманд андешида мешавад.
Маркази матбуоти Хадамоти муҳоҷират
