Бо ибтикори бахши Хадамоти муҳоҷират дар шаҳри Конибодом вохӯрии судманд бо фаъолон ва сокинони маҳаллаи Токзор, ки қисми онҳоро шаҳрвандони аз муҳоҷирати меҳнатӣ ба ватан бозгашта ташкил медиҳад, баргузор гардид.
Дар рафти вохӯрӣ намояндаи бахши Хадамоти муҳоҷират ба иштирокдорон доир ба навовариҳо дар қонунҳои амалкунандаи Федератсияи Россия ибрози андеша намуда, қайд намуданд, ки шаҳрвандони ҷумҳурӣ -муҳоҷирони меҳнатӣ, ҳангоми сафар ба Федератсияи Россия, оид ба талаботи нави қонунгузории ин кишвар дар самти муҳоҷирати меҳнати огоҳ бошанд. Тартиб ва мақсади воридшавӣ дар муҳлати муқаррар гардида, ҷамъоварӣ ва пешниҳод намудани маводи зарурӣ ба Вазорати корҳои дохилии Федератсияи Россия оид ба муҳоҷирати минтақавии шаҳрвандони хориҷӣ ва ба вуҷуд омадани мушкилиҳои эҳтимолӣ барои шаҳрвандони Ҷумҳурии Тоҷикистон, ки хоҳиши фаъолияти меҳнатиро дар қаламрави ин давлат доранд, пеш меояд, шинос намуда, роҳҳои ҳалли онро низ ба онҳо ба таври содда фаҳмонида дода, ба саволҳои пешниҳодгардида ҷавобҳои мушаххас доданд.
Инчунин, ба иттилои ҳозирон расонида шуд, ки дар ҳолати пайдо гардидани мушкилиҳо, он шаҳрвандоне, ки айни замон дар муҳоҷирати меҳнатӣ дар ФР қарор доранд, метавонанд ба масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия дар самти муҳоҷират муроҷиат намоянд.
Дар фарҷоми вохӯрӣ ба саволҳои ҳозирин ҷавобҳои қаноатбахш дода, маводҳои таблиғоти тақсим карда шуданд.
Маркази матбуоти Хадамоти муҳоҷират
