Санаи 2 июни соли 2026 дар синфхонаи МД “Марказҳои машваратӣ ва омодагии пеш аз сафари муҳоҷирони меҳнатӣ”–и Хадамоти муҳоҷират мусоҳибаи онлайни бо шаҳрвандони ҷумҳурӣ, аз ҷониби намояндагони ширкати “United Busines Club”-и Ҷумҳурии Булғористон баргузор карда шуд. Зимни мусоҳиба малакаи касбӣ, таҷрибаи корӣ ва омодагии довталабон мутобиқ ба талаботи корфармоён мавриди арзёбӣ қарор гирифт.

Бояд қайд намуд, ки дар мусоҳибаи болозикр мардону занони сину солашон аз 20 то 50 сола ва дорандагони ихтисосҳои парасторӣ (нигоҳубини беморон), момодоягӣ, пешхизмат ва ронандагони мошинҳои боркаш буданд, иштирок намуданд.

Дар саршавии чорабинии мазкур ба иштирокчиён рунамо оиди муҳоҷирати бехатар ва шарту шароити кор дар Ҷумҳурии Булғористон пешниҳод карда шуд. Талаботҳои асосии корфармо ин донистани забони русӣ, доштани диплом ва шаҳодатномаи касбӣ буда, маоши пешниҳодгардида аз ҷониби корфармоён аз 720 (Евро) боло муқарар гардидааст.

Тибқи иттиллои намояндагони ширкати “United Busines Club” натиҷаи мусоҳибаи баргузоргардида рӯзҳои наздик маълум гардида, шахсони интихобгардида давоми соли ҷорӣ ба Ҷумҳурии Булғористон муташаккилона сафарбар мегарданд.

Маркази матбуоти Хадамоти муҳоҷират