Бо мақсади таъмин намудани шаҳрвандон, бахусус ҷавонони бекор ва муҳоҷирони меҳнатии баргашта, бо ҷойи кори муносиб бахши Хадамоти муҳоҷират дар ноҳияи Спитамен дар ҳамкорӣ бо шуъбаи Агентии меҳнат ва шуғли аҳолии ноҳия дар ҳудуди Ҷамоати шаҳраки Навкат, назди бозори марказии ноҳия, ярмаркаи сайёри ҷойҳои кории холӣ ва корҳои мавсимӣ баргузор гардид.    

Чорабинии мазкур бо иштироки фаъоли шаҳрвандон, аз ҷумла муҳоҷирони меҳнатии баргашта, доир карда шуд.

Дар ҷараёни ярмарка намояндаи бахши Хадамоти муҳоҷират дар ноҳияи Спитамен Сатторова С., ба иштирокчиён ҷойҳои кории мавҷударо дар ҶСК НБО «Роғун» муаррифӣ намуда, оид ба имкониятҳои шуғл маълумот пешниҳод кард.       

Ҳамчунин, дар рафти ярмарка ба шаҳрвандони бекор оид ба ҷойҳои нави корӣ дар дохили кишвар машварат ва тавсияҳои муфид дода шуданд.

Илова бар ин, аз ҷониби кормандони бахши Хадамоти муҳоҷират корҳои иттилоотию фаҳмондадиҳӣ оид ба пешгирии шомилшавии ҷавонон ба ҳизбу ҳаракатҳои ифротӣ, риояи қоидаҳои муҳоҷирати бехатар, муқовимат ба экстремизм ва терроризм, инчунин пешгирии савдои одамон баргузор гардид.

Маркази матбуоти Хадамоти муҳоҷират