Бо ибтикори шуъбаи Хадамоти муҳоҷират дар шаҳри Кӯлоб дар ҳамкорӣ бо      Мақомоти иҷроияи ҳокимияти давлатӣ шаҳр ва шуъбаи Агентии меҳнат ва шуғли аҳолӣ дар назди маркази савдои Бадахшон ярмаркаи ҷойҳои кории      холӣва вазифаҳои озод баргузор гардид.

Қайд гардид, ки дар ҳудуди Ҷумҳурии Тоҷикистон шароити муносиби корӣ ва музди маоши арзанда дар иншоотҳои бузурги сохтмонӣ ва саноатӣ, аз ҷумла НБО “Роғун”, сохтмону барқароркунии роҳҳо ва дигар корхонаҳои бузурги саноатӣ муҳайё мебошад.

Қобили кайд аст, ки дар ярмаркаи мазкур намояндагони мақомоти иҷроияи ҳокимияти давлатии шаҳри Кӯлоб, 7 ташкилоту корхонаҳо, корфармоён ва муҳоҷирони меҳнатии ба Ватан бозгашта фаъолона ширкат намуданд. Аз ҷониби корхонаҳо ва ташкилоту муассисаҳои шаҳр зиёда аз 100 чойҳои холии корӣ ва вазифаҳои озод пешниҳод гардида, ба 14 – нафар ҷавонони корҷӯ барои ба кор баромадан, роҳхат гирифтанд.

Ёдовар мешавем, ки бо мақсади иҷрои дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Вазорати меҳнат, муҳоҷират ва шуғли аҳолии мамлакат Ситоди корӣ оид ба таъмин намудани ширкатҳои сохтмонии Ҷамъияти саҳомии кушодаи НБО “Роғун” бо кадрҳои коргарӣ таъсис дода шудааст.

Дар ярмаркаи чойҳои кории холӣ, ки бештари онро муҳоҷирони ба Ватан бозгашта ташкил медоданд, ҷойҳои кории холӣ аз ҷониби ширкатҳои сохтмонии НБО “Роғун” аз руи ихтисосҳо, шарту шароит ва маош пешниҳод гардидааст, пешкаш карда шуд.

Намояндагони шуъбаи Хадамоти муҳоҷират, ки дар ярмарка ҳузур доштанд, ба иштирокчиён оид ба муҳоҷирати бехатар дар Федератсияи Россия, пешгирии шомилшавии ҷавонон, бахусус муҳоҷирони меҳнатӣ ба ҳизбу ҳаракатҳои тундравӣ экстремистию-террористӣ, пешгириии савдои одамон, донистани қонунҳои давлатҳои муҳоҷирқабулкунанда маълумоти мушаххас дода, ба нафароне, ки азми сафари муҳоҷирати меҳнатӣ ба хориҷа ва дарёфти кор дар дохили кишвар доштанд, брошюраҳо дастрас карда шуд.

Маркази матбуоти Хадамоти муҳоҷират