Бо ибтикори бахши Хадамоти муҳоҷират дар шаҳри Истаравшан дар байни аҳли ҷомеа, аз ҷумла шаҳрвандон – муҳоҷирони меҳнатӣ ва аъзои оилаи онҳо дар ҷамоату маҳаллаҳо доир ба пешгирӣ ва мубориза ба муқобили падидаҳои номатлуб ва хатарҳои ҷаҳони муосир, пеш аз ҳама, терроризм экстремизм, муҳоҷирати бехатар, мубориза бо бемориҳои сироятӣ, тарғибу ташвиқи тарзи ҳаёти солим, ҷалби ғайриқонунии шаҳрвандони кишвар ба давлатҳои хориҷа, коҳиш додани муҳоҷирати меҳнатии занон, риояи расму оинҳо, назорат ва танзими либоспӯшӣ, махсусан дар байни занону ҷавонон, мулоқоти навбатӣ гузаронида шуд.
Масъули бахши Хадамоти муҳоҷират оид ба арзиши андози моҳонаи патент дар тамоми минтақаҳои Федератсияи Россия фаҳмонда шуд ва аз 1 сентябри соли 2025 дар минтақаи шаҳри Москваю вилояти Москва бо тавассути барномаи “Амина” худро ба қайди муҳоҷиратӣ гузоранд, аз хизматрасонии миёнаравонии ғайриқонунӣ худдорӣ намоянд, дар бораи қоидаи 90/365, аз 7 январи соли 2024 ҳар як шаҳрванди хориҷие, ки дар қаламрави Россия бо патент фаъолияти меҳнатиро анҷом медиҳад дар муддати 2 моҳ аз рузи гирифтани патент бояд Огоҳномаи меҳнатӣ (Трудовое уведомление) бо замимаи Шартномаи меҳнатӣ, ба мақомоти минтақавии ВКД ФР, ки дар он ҷо патент гирифта буд пешниҳод намояд, инчунин барои муҳоҷирон имтиҳон барои тасдиқи дониши забони русӣ, асосҳои қонунгузорӣ ва таърихи кишвари Россия ҳатмист. Ин барои гирифтани иҷозатномаи будубоши муваққатӣ (РВП), иҷозатномаи истиқоматӣ (ВНЖ), иҷозатномаи кор ё патент зарур аст.
Маркази матбуоти Хадамоти муҳоҷират
