Бо ибтикори бахши Хадамоти муҳоҷират дар ноҳияи Мастчоҳ дар маҳаллаҳои Пастиғав 1 ва Пастиғав 2-и Ҷамоати деҳоти Оббурдон, ҷиҳати тарғибу ташвиқӣ нуқтаҳои асосии Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ ироа гардид вохурии судманд ташкил карда шуд.

Вохӯрии мазкур дар фазои шукргузорӣ аз Истиқлоли давлатӣ бо иштироки тарғиботчиён бо роҳбарии муовини Раиси ноҳия -Зайнура Умарзода, ёрдамчии калони прокурори ноҳия – Сафарзода К., мудири бахши рушди иҷтимоӣ ва робита бо ҷомеаи дастгоҳи Раиси ноҳия – Ҳакимова М,  намояндаи ки ҲХДТ дар ноҳияи Мастчоҳ –  Рустамзода Рустам,. мудири бахши Хадамоти муҳоҷират дар ноҳия – Валиев М., сармутахассиси бахши дин ва танзими ҷашну маросим – Охунов, намояндаи шуъбаи Агентии шуғли аҳоли – Авлиёев А., ва муовини раиси ҷамоати деҳоти Оббурдон, Солеҳзода М., баргузор гардид.

Баромадкунандагон оид ба Қонунҳои  Ҷумҳурии Тоҷикистон “Дар бораи танзими ҷашну маросим”, “Дар бораи масъулият дар таълиму тарбияи кудак”,  “Барномаи миллӣ оид ба мубориза бар зидди савдои одамон дар Ҷумҳурии Тоҷикистон”, имкониятҳо барои муҳоҷирони меҳнатӣ ва ба муҳоҷирони ба ватан баргашта, ки вурудашон ба Федератсияи Россия мамнуъ гаштааст, пешгирии омилҳои номатлуби ҷомеа аз қабили шомил шудани ҷавонон ба ҳизбу ҳаракатҳои ифротӣ, экстремизм ва терроризм, корупсия, таълимоти ғайрирасмии динӣ, ҷинояту ҷинояткорӣ, тақлидкорӣ, бегонапарастӣ,  пошхурии оилаҳо ва  оворагардии наврасон,  суханронӣ намуданд.

Дар фарҷоми чорабинӣ таъкид гардид, ки баланд бардоштани маърифати ҳуқуқии аҳолӣ ва сари вақт расонидани маълумоти зарурӣ ба шаҳрвандоне, ки нияти муҳоҷирати меҳнатӣ доранд, барои пешгирии ҳолатҳои номатлуб ва таъмини муҳоҷирати қонунӣ ва бехатар аҳамияти муҳим дорад.

Маркази матбуоти Хадамоти муҳоҷират