Бо мақсади бо ҷойи кори доимӣ ва мавсимӣ таъмин намудани ҷавонони бекор ва шаҳрвандони бозгашта дар якҷояги бо шуъбаи Агентии меҳнат ва шуғли аҳолӣ дар ноҳия Ашт, дар бозори Ҷамоати шаҳраки Шайдон ярмаркаи хурди ҷойи кори холӣ ва вазифаҳои озод баргузор гардид.
Чорабинии мазкур бо фарогирии зиёда аз 213 нафар шаҳрвандон, инчунин шаҳрвандон – муҳоҷирони меҳнатии баргашта ва бо пешниҳоди 296 ҷойҳои кори холӣ дар 21 корхонаву ташкилотҳои ноҳия ва зиёда аз 6200 ҷойҳои кории холӣ дар ҶСК НБО “Роғун” гузаронида шуд.
Дар рафти чорабинӣ ва корҳои фаҳмондадиҳи ба 11 нафар шаҳрвандони корҷуй роҳхати шуъбаи Агентии меҳнат ва шуғли аҳолӣ дода шуда, 11 нафар шаҳрвандон бо ҷойи кори доимӣ таъмин гаштанд.
Дар чорабинии мазкур аз тарафи намояндагони бахши Хадамоти муҳоҷират дар ноҳияи Ашт байни иштирокчиён корҳои фаҳмондадиҳӣ оиди пешгирии шомилшавии ҷавонон ба ҳизбу ҳаракатҳои ифротӣ, муҳоҷирати бехатар, пешгирии савдои одамон ва коррупсия гузаронида шуд.
Инчунин, қайд карда шуд, ки интихоби касб яке аз масъалаҳои муҳим мебошад ва бо кӯшишу меҳнат соҳиб шудан ба касбу ҳунар шахсро дар оянда соҳиби ҷойи кор намуда, зиндагиашро пеш мебарад. Ҳамчунин мавқеъгирӣ дар ҷомеа мусоидат менамояд.
Маркази матбуоти Хадамоти муҳоҷират
