Бо ибтикори бахши Хадамоти муҳоҷират дар шаҳри Гулистон дар толори кохи фарҳангии “Истиқлол”-и шаҳри Гулистон доир ба сазовор таҷлил намудани ҷашни бузурги миллӣ 34-солагии баргузории Иҷлосияи 16-уми Шӯрои Олӣ ва Рӯзӣ Президенти Ҷумҳурии Тоҷикистон бахшида ба мавзӯи “Нақши Пешвои миллат дар рушди давлатдории миллӣ ва саҳми Иҷлосияи сарнавиштсоз дар он” конференсия баргузор гардид, ки дар он омӯзгорон, хонандагон ва донишҷӯёни шаҳри Гулистон иштирок намуданд.
Дар конфренсияи мазкур мудири бахши Хадамоти муҳоҷират дар шаҳри Гулистон – Абдумалик Шоназарзода, мудири Бахши кор бо ҷавонон ва варзиши шаҳр – Аҳлиддин Абдураҳмонов, муовини директор оид ба корҳои тарбиявии коллеҷи тиббии шаҳри Гулистон – Алиев Қурбонбой, намояндаи шуъбаи маориф – Туйчиев Алимардон ва аъзои маҳфили “Пайравони Пешвои миллат” дар назди бахши кор бо ҷавонон ва варзиши шаҳри Гулистон Бойматова Маҳваш иштирок ва суханронӣ намуданд.
Зикр карда шуд, ки Иҷлосияи XVI-уми Шӯрои Олии Ҷумҳурии Тоҷикистон барои таҳкими ҳокимияти давлатӣ, ташаккули истиқлолияти миллӣ таъин намудани самти ҷараёни инкишофи ҷомеа дар солҳои баъдӣ ва пайгирӣ намудан аз принсипҳои талаботи бунёди ҷомеаи демократӣ, дунявӣ ва ҳуқуқбунёду ягона асос ва заминаи воқеӣ ба вуҷуд овард.
Дар Иҷлосия ҳукумате таъсис ёфт, ки таҳти сарварии муҳтарам Эмомалӣ Раҳмон дар як муддати кутоҳ тавонистанд оташи ҷанги дохилиро хомӯш намуда, сохтори фалаҷгардидаи ҳокимият, хусусан мақомоти ҳифзи тартиботи ҷамъиятиро барқарор сохта, Артиши миллӣ ва неруҳои посбони сарҳадро таъсис диҳад, аксарияти мутлақи гурезаҳо ва муҳоҷирони иҷбориро ба Ватан баргардонад ва ислоҳоти конститутсиониро дар мамлакат амалӣ созад. Ҳанӯз дар яке аз аввалин муроҷиатномаҳои худ Сарвари давлат муҳтарам Эмомалӣ Раҳмон вобаста ба вазъияти ҳамонрӯзаи кишвар иҷрои вазифаҳои зеринро дар мадди аввал гузошта буданд: дар тамоми гӯшаву канори Тоҷикистон барқарор намудани ҳокимият ва мақомоти идоракунӣ ва таъмини кори пурмасъулияти онҳо; барқарор намудани сохтори мақомоти амалкунандаи муҳофизати ҳуқуқ дар маҳалҳо ва барои онҳо дар иҷрои вазифаи худ фароҳам овардани шароити мусоид; таъсис додани Артиши миллӣ; пурзӯр кардани дифои сарҳади давлатии Ҷумҳурии Тоҷикистон ва ворид шудани ҷумҳурӣ ба ҷомеаи ҷаҳонӣ. Сарвари давлат изҳор дошта буданд, ки мо вазифадорем, аввал амнияти давлатамонро таъмин намоем, артишро созмон дода, милитсия, кумитаи амнияти миллӣ, дигар сохторҳои ҳифзи ҳуқуқро мустаҳкам намоем, зеро давлате, ки худро муҳофизат ва ҳаққу ҳуқуқи шаҳрвандонашро таъмин карда наметавонад, аслан арзише надорад.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз рӯзҳои нахустини фаъолияти худ ба ҳайси Сарвари кишвар хуб дарк намуда буданд, ки кишварро танҳо кадрҳои соҳибкасбу бомаърифат обод мекунанд ва пешрафту оромии ҷомеа аз сатҳи донишу ихтисосмандӣ ва фарҳангу ҷаҳонбинии афроди он вобастагӣ дорад.
Дар давоми кори конференсия таъкид гардид, ки нақши Пешвои миллат дар рушди давлатдории миллӣ пас аз гузашти асрҳо таърихӣ ва сарнавиштсоз буда, он аз истиқрори сулҳ, баргардонидани гурезаҳо, таъсиси артиши миллӣ, барқарор кардани ҳокимияти марказӣ ва маҳаллӣ, ба даст овардани ваҳдати миллӣ, таъмини суботи сиёсӣ ва якпорчагии давлат, оғози рушду инкишофи мамлакат ва таъмини рушди мунтазами он иборат буда, ҳамчун сиёсатмадори сатҳи ҷаҳонӣ эътироф гардидани Сарвари давлат – муҳтарам Эмомалӣ Раҳмон баҳои сазовори ҷомеаи ҷаҳонӣ ба шахсияти бузурги ин Абармарди сиёсат мебошад.
Алоҳида қайд гардид, ки дастовардҳои болозикри Пешвои миллат ва ташаббусҳои ҷаҳонии Ҷаноби олӣ дар соҳаи обу иқлим, таҳкими сулҳ дар ҷаҳон, таъмини амният ҳангоми истифодаи зеҳни сунъӣ, ҳифзи мероси таърихиву фарҳангии ҷаҳонӣ дар ташаккулёбии Бренди Тоҷикистон таҳкурсии мустаҳкам гузошта, ҳозирин ва ҳар як фарди тоҷикистонӣ вазифадор аст, ки дар пешрафту шинохти он аз тарафи ҷомеаи ҷаҳонӣ саҳми мусбӣ гузорад.
Маркази матбуоти Хадамоти муҳоҷират

