Имрӯз падидаҳои номатлуб тамоми ҷомеаи ҷаҳониро ба ташвиш оварда аст. Гурӯҳи манфиатхоҳ ба ҳар гуна роҳу васила нақшаву ниятҳои нопоки хешро ба амалҳои террористӣ мехоҳанд амалӣ намоянд. Дар иртибот ба ин масъала Пешвои муаззами миллат, Асосгузори сулҳу ваҳдати миллӣ, Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон таъкид намуда буданд, ки “Дар ин раванд, диққати асосӣ бояд ба пешгирӣ намудани терроризму экстремизм, шомилшавии шаҳрвандони мамлакат ба созмону ҳаракатҳои террористиву экстремистӣ ва ба Ватан баргардонидани шахсони гумроҳшуда равона карда шавад”.

Илова бар ин зикр доштанд, ки омили асосии пешгирикунандаи шомилшавии ҷавонон аз падидаҳои манфӣ маҳз аз оила вобаста буда, падару модарро водор месозад, ки ба таълиму тарбияи фарзандон аҳамияти аввалиндараҷа диҳанд. Дар ин масъала бояд оила нақши арзишманд гузорад, зеро сухани волидайн ва дигар аъзои оила назар ба дигар қишри ҷомеа таъсири бештар мегузорад. Аксар вақт шаҳрвандон, махсусан ҷавонон аз сабаби аз таълиму тарбия ва назорати волидайн дур мондан ба ҳар роҳу васила, аз ҷумла тавассути интернет ба ҳизбу ҳаракатҳои экстремистӣ ҷалб карда мешавад. Ҷанбаи дигари гумроҳшавии ҷавонон ба муҳоҷирати меҳнатӣ имрӯз дар қатори дигар кишварҳои олам барои Тоҷикистон низ яке аз масоили муҳими иҷтимоӣ, иқтисодӣ ва сиёсӣ табдил ёфтааст.

Шаҳрвандони Тоҷикистон ба кишварҳои хориҷӣ ба сифати муҳоҷири меҳнатӣ сафар менамоянд. Мушоҳидон собит месозанд, ки баъзе ҷавонон бо тафаккур ва ҷаҳонбинии дунявии нокифоя ба кишварҳои хориҷа ба муҳоҷират мераванд, вале аз он тараф бо тафаккур ва ҷаҳонбинии ифротӣ бармегарданд. Омили дигар ин аст, ки дар баъзе аз оилаҳо таассубу хурофоти динӣ мавқеи асосӣ ва ҳалкунанда дорад. Ба ақидаи чунин оилаҳо, танҳо омӯзонидани сунатҳои динӣ ба фарзандон зарур аст, ки дар натиҷаи ин кӯтоҳандешиву хунукназарӣ фарзандонашон аз омӯзиш, тарзи дурусти технологияи навин ва идеологияи солим фарсахҳо дур ва як умр ноогоҳ мемонанд. Мавҷудияти муаммоҳои зикргардида дар пешрафти ҷомеа ва ояндаи дурахшони халқ таъсири манфӣ мерасонад.

Аз ин рӯ, раҳоӣ аз ин муаммоҳои ҷаҳонӣ на танҳо вазифаи давлату ҳукумат, мақомоти ҳифзи ҳуқуқ ва ҷомеаи шаҳрвандӣ мебошад, балки аз ҳар як шахс ва оила тақозо менамояд, ки муборизаи таъсирбахши назариявию амалиро роҳандозӣ намоянд.

Наботов Насим,

Сармутахассиси шуъбаи муҳоҷирати меҳнатӣ Раёсати Хадамоти муҳоҷират дар шаҳри Душанбе