Беҳтарин неъмат ин сулҳу осоиш аст. Давлат ва Ҳукумати Ҷумҳурии Тоҷикистон ҳуқуқ ва озодиҳои инсонро дар мадди аввал гузоштааст.
Барои беҳбудии вазъи таълиму тарбия сол то сол иқдомҳои ҷадиду қатъӣ гузошта шуда истодааст.
Ҳар яки мо, сокинони кишвар новобаста аз синну сол, фарқияти ҷинсиву вазъи иҷтимоӣ бояд алайҳи терроризму экстремизм муборизаи якҷоя барем.
Нагузорем, ки ҷавонони мо ба гурӯҳу ҳаракатҳои гуногун шомил шаванд, зеро Ватани моро ба ҷуз худи мо каси дигар обод намекунад.
Имрӯзҳо дар тамоми ҷаҳон терроризм ва экстремизм, ки ба марги одамони бегуноҳ оварда расонида, модаронро бефарзанд, одамиятро бесарпаноҳ, тифлонро беволидайн мегардонад, мавриди интиқоди шадид қарор гирифтааст.
Пеши роҳи ин амали зишт ва ваҳшиёнаро нагирифтан, майдони фарох кушода додан ба густариши он, бахусус терроризм ва экстремизми динӣ, ифротгароии мазҳабӣ боиси ҳалокати садҳо нафари бегуноҳ мешавад.
Бетарафӣ дар ин масъала баробари бо дасти худ ба марг ҳукм намудани оянда мебошад.
Бо дарки муҳим будани мубориза алайҳи терроризм ва экстремизм бо тамоми зуҳуроташ, ки фазои орому осудаи кишварро ноорому рушди мунтазами иқтисодиву иҷтимоии Тоҷикистонро боз медорад, давлат ва Ҳукумати Ҷумҳурии Тоҷикистон як зумра корҳоро ба сомон расонид ва ҳоло низ расонида истодааст.
Аз ҷумла, Ҳукумати Ҷумҳурии Тоҷикистон ҳамаи шартномаҳо ва санадҳое, ки фаъолияти террористиро дар арсаи байналмилалӣ манъ месозад, эътироф ва ба имзо расонида, барои сари вақт дар амал татбиқ шудани онҳо чораҳои қатъӣ меандешад.
Дар ин замина ба имзо расидани ҳуҷҷатҳои марбут ба амалҳои зиддитеррористӣ, ки аз тарафи Созмони Милали Муттаҳид таҳияву эълон шудаанд, шоҳиди ин гуфтаҳост.
Бо вуҷуди ин, ҳоло дар ҷомеа афроде ёфт мешаванд, ки ба қадри тинҷиву оромии кишвар нарасида, дар зери таблиғи бегона монда, нафарони гумроҳро ба доми худ мекашанд.
Аксари ин ҷангиёни тоҷик ҷавононе мебошанд, ки бинобар надонистани оқибати ин амалашон бо ваъдаҳои маблағи калон он ҷо рафтаанд, аммо аз ин иқдоми пешгирифтаашон пушаймонанд.
Бобоназарзода Санавбар,
мудири шуъбаи муҳоҷирати меҳнатӣ Раёсати Хадамоти муҳоҷират дар шаҳри Душанбе
