Бо ибтикори шуъбаи Хадамоти муҳоҷират дар шаҳри Кӯлоб вохӯрии судманд бо фаъолон ва сокинони маҳаллаи Ш. Шоҳини шаҳр, ки қисми зиёди онро муҳоҷирони ба ватан бозгашта ташкил медиҳад, баргузор гардид.
Дар рафти вохӯрӣ ба ҳозирин оид ба муҳоҷирати бехатар, пешгирии шомилшавии ҷавонон ба гурӯҳҳои экстремистӣ ва террористӣ, инчунин тамдид гардидани қонунигардонии будубош то 10 сентябри соли 2025 дар Федератсияи Россия, ироа гардид.
Кормандони масъули шуъбаи Хадамоти муҳоҷират ба иштирокдорон доир ба навовариҳо дар қонунҳои амалкунандаи Федератсияи Россия ибрози андеша намуда, қайд намуданд, ки тибқи Фармони Президенти Федератсияи Россия аз 28 апрели соли 2025, таҳти №272 “Оиди ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126”, муҳлати қонунигардонӣ дар Федератсияи Россия то 10 сентябри соли 2025 тамдид карда шуд.
Вобаста ба ин шаҳрвандони Ҷумҳурии Тоҷикистон, ки дар қаламрави Федератсияи Россия бе ҳуҷҷати расмӣ қарор доранд, имконият доранд, ки то санаи 10 сентябри соли 2025 ҳуҷҷатҳои худро ба расмият дароранд.
Зимни мулоқот бо сокинони маҳалла, ки қисми зиёди онро муҳоҷирони ба ватан бозгашта ташкил медиҳад, оид ба вазъи имрӯзаи муҳоҷират дар Федератсияи Россия сухан гуфта, қайд намуданд, ки муҳоҷирони меҳнатӣ, ҳангоми ба Федератсияи Россия сафар намудан, оид ба талаботи нави қонунгузории Федератсияи Россия дар самти муҳоҷирати меҳнатӣ огоҳ бошанд. Тартиб ва мақсади воридшавӣ дар муҳлати муқаррар гардида ҷамъоварӣ ва пешниҳод намудани маводи зарурӣ ба Вазорати корҳои дохилии Федератсияи Россия оид ба муҳоҷирати минтақавӣ барои гирифтани Патент ва риояи муҳлати будубоши муваққатии шаҳрвандони хориҷӣ ва ба вуҷуд омадани мушкилиҳои эҳтимолӣ барои шаҳрвандони Ҷумҳурии Тоҷикистон, ки хоҳиши фаъолияти меҳнатиро дар қаламрави ин давлат доранд, пеш меояд, ошно намуда, роҳҳои ҳалли онро низ ба онҳо ба таври содда фаҳмонда дода, ба саволҳои пешниҳодгардида ҷавобҳои мушаххас доданд.
Инчунин, ба иттилои ҳозирин расонида шуд, ки дар ҳолати пайдо гардидани мушкилотҳо метавонанд ба масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федерастияи Россия дар самти муҳоҷират муроҷиат намоянд.
Ҳамзамон, ба иштирокдорон доир ба мавзуи муқовимат ба терроризм ва экстремизм ибрози худро баён намуда, қайд намуданд, ки экстремизм – аз калимаи франсузӣ «extermisme» ва лотинӣ «extermus» гирифта шуда, маънои аслияш ифротдгароии тундравӣ фикру андешаҳо ва амалҳои тундравона якравона аз ҳад гузаштан аз андоза гузаштан буда, экстремист шахсиятест, ки дар фаъолияти худ ҷонибдори амалҳои тундравию якравӣ аст. Экстремизм шахсро ба сӯи содир намудани ҷиноятҳои марбут ба терроризм мебарад.
Вобаста ба ин даъват ба амал оварда шуд, ки дар дохил ва хориҷи кишвар аз чунин гурӯҳҳо эҳтиёткориро аз даст надиҳанд.Дар фарҷоми вохӯри кормандони шуъба ба саволҳои ҳозирин ҷавобҳои қаноатбахш дода, маводҳои таблиғоти ва брошюраҳои роҳнамои Хадамоти муҳоҷират тақсим карда шуд.
Раёсати Хадамоти муҳоҷират дар вилояти Хатлон
