Бахши Хадамоти муҳоҷират дар ноҳияи Ашт дар якҷояги бо шуъбаи Агентии меҳнат ва шуғли аҳолии ноҳия дар бозори марказии шаҳраки Шайдон корҳои фаҳмондадиҳӣ оид ба пешгирии шомилшавии ҷавонон, муҳоҷирати бехатар ва тарғиби либоси миллӣ, пешгирии хуруфотпарастӣ ҳифз ва нигоҳдории фарҳанги аҷдодӣ баргузор намуданд.
Мудири бахши Хадамоти муҳоҷират дар ноҳияи Ашт доир ба масъалаҳои мубрами рӯз, омодагии пеш аз сафар, инчунин доир ба пешгирии шомилшавии ҷавонон, алалхусус муҳоҷирони меҳнатӣ ба ҳизбу ҳаракатҳои ифротӣ, муқовимат бо савдои одамон, пешгирии хуруфотпарастӣ, тарғиби либоси миллӣ, ҳифз ва нигоҳдории фарҳанги аҷдодӣ бо шаҳрвандон ҳамсуҳбат шуд.
Дар вохӯрӣ қайд карда шуд, ки либоси миллӣ як рукни фарҳанги миллат ба ҳисоб рафта, ёдгоре аз гузаштагон аст, ки дар тули қарнҳо зебоиашро гум накардааст. Таърих гувоҳ аст, ки зан ва модари тоҷик дар ҳама давру замон посдори оину анъанаҳои муққадаси миллат маҳсуб гашта, яке аз нишонаҳои аксосии фарҳангу тамаддуни миллатҳои мухталифи дунё либоси миллии онҳост.
Ба хотири ҳифз ва нигоҳдошти фарҳанги аҷдодӣ ва тарғиби либоси миллӣ, имрӯзҳо дар саросари ҷумҳурӣ аксияи «Тоҷикона мепӯшем» баргузор гардида истодааст.
Пос доштани як ҷузъи фарҳанги хеш, либоси миллии тоҷикона, ки таҷассумгари расму оин, нишони зебопарастӣ ва ифтихори ҳар халқияту миллат маҳсуб меёбад барои ҳар як зан, бонуи тоҷик шарт ва зарур аст.
Бояд қайд намуд, ки тибқи нақшаи Бахши Хадамоти муҳоҷират дар ноҳияи Ашт бурдани корҳои фаҳмондадиҳӣ ба нақша гирифта шуда мунтазам гузаронида мешавад.
Бахши Хадамоти муҳоҷират дар ноҳияи Ашт
