Дар асоси талаботи 4.3-и Оинномаи Ҳизби Халқии Демократии Тоҷикистон, Қарори Маҷлиси Раёсати Кумитаи Иҷроияи Марказии ҲХДТ аз 15 майи соли 2024, №2 барқияи электронии Кумитаи иҷроияи ҲХДТ дар шаҳри Душанбе аз 21 майи соли 2024, № 35 ва барқияи Кумитаи иҷроияи ҲХДТ дар ноҳияи Шоҳмансур аз 4 июни соли 2024, № 3 дар кумитаю такилотҳои ибтидоии ҳизбии ноҳия маҷлисҳои ҳисоботӣ – интихоботӣ баргузор гашта истодааст.
Дар ин замина имрӯз, 12 июни соли равон дар ташкилоти ибтидоии ҳизбии “Муҳоҷир” – и Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон маҷлиси ҳисоботию интихоботӣ бо иштироки муовини Раиси Кумитаи иҷроияи ҲХДТ дар ноҳияи Шоҳмансур – Содиқиён Умар, намояндаи КИ ҲХДТ дар шаҳри Душанбе -Ҳомидзода Насим, Нодирзода Иматшо – Сардори Хадамоти муҳоҷират ва аъзоёни ҳизб баргузор гардид.
Мувофиқи рузномаи маҷлиси ҳисоботӣ – интихоботии ташкилоти ибтидоии “Муҳоҷир” масъалаҳои ҳисоботи ташкилоти ибтидоии “Муҳоҷир”- оид ба ҷамъбасти натиҷаҳои фаъолият дар давраи аз моҳи июни соли 2023 то моҳи июни соли 2024 ва вазифаҳо барои фаъолияти минбаъда, интихоби раиси ташкилоти ибтидоӣ, муовини раиси ташкилоти ибтидоӣ, дар бораи интихоби вакилон барои иштирок дар Конференсияи 33 – юми ташкилотҳои Кумитаи иҷроияи ҲХДТ дар ноҳияи Шоҳмансур ва масъалаҳои ҷорӣ баррасӣ гардида, қарорҳои дахлдор қабул карда шуд.
Тибқи баррассии масъалаи якуми рузномаи маҷлис Нодирзода Иматшо раиси ташкилоти ибтидоӣ оид ба ҷамъбасти натиҷаҳои фаъолият дар давраи аз моҳи июни соли 2023 то моҳи июни соли 2024 ва вазифаҳо барои фаъолияти минбаъда гузориш дод.
Зимни гузориш қайд гардид, ки ташкилоти ибтидоӣ дар давраи ҳисоботӣ доир ба сатҳи баланд таҷлил намудани идҳои миллӣ “Рӯзи ваҳдатӣ миллӣ”, “Рӯзи Истиқлолияти давлатии Ҷумҳурии Тоҷикистон”, “Рӯзи забони давлатии Ҷумҳурии Тоҷикистон”, “Рӯзи Конститутсияи Ҷумҳурии Тоҷикистон”, “Рӯзи Президенти Ҷумҳурии Тоҷикистон”, “Иҷлосияи 16-уми Шӯрои Олии Ҷумҳурии Тоҷикистон”, “Рӯзи Парчами давлатии Ҷумҳурии Тоҷикистон”, “Шарҳу тавзеҳи Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон” “Рӯзи Қувваҳои Мусаллаҳи Ҷумҳурии Тоҷикистон”, “Рӯзи Модар”, “Иди байналмилалии Наврӯз”, “Рӯзи ҷавонони Тоҷикистон”, бо мақсади таблиғу ташвиқи ҳадафҳои созандаву бунёдкоронаи ҲХДТ ва баланд бардоштани ҳисси ватандустии аъзо ва ҷонибдорони ҲХДТ доир карда шуд.
Тибқи банди 4.4 Оинномаи ҲХДТ, барои пеш бурдани корҳои ҷорӣ маҷлиси умумӣ дар ташкилотҳои ҳизбие, ки аз 30 то 300 нафар аъзо доранд – Раёсат интихоб мекунанд.
Вобаста ма масъалаи дуюми рузнома аъзои Раёсати ташкилоти ибтидоии “Муҳоҷир” иборат аз 5 нафар интихоб карда шуд.
Мувофиқи масъалаи сеюми рузнома бо ҷонибдории аъзоёни ҳизб Нодирзода Иматшо ба ҳайси раиси ташкилоти ибтидоӣ интихоб гардид.
Тибқи масъалаи чоруми рӯзнома Каримова Заррина муовини раиси ташкилоти ибтидоии “Муҳоҷир” интихоб карда шуд.
Ҳамзамон вобаста ба пешбарии вакилон ба Конференсияи 33 – юми ташкилотҳои Кумитаи иҷроияи ҲХДТ дар ноҳияи Шоҳмансур қарорҳои дахлдор қабул гардид.
Дар фарҷом, муовини раиси Кумитаи иҷроияи ҲХДТ дар ноҳияи Шоҳмансур – Содиқиён Умар суханронӣ намуда, аъзои ташкилотро ба муносибати таҷлили 30-юмин солгарди таъсисёбии Ҳизби Халқии Демократии Тоҷикистон шодбош намуд.
Зимнан қайд гардид, ки Ҳизби Халқии Демократии Тоҷикистон ҳамчун созмони боэътимоди сиёсии мардумӣ, ки аз умқи ҷомеаи Тоҷикистон маншаъ гирифта, баҳри қонеъ гардонидани ниёзҳои мардуми тоҷик фаъолият менамояд, таҳти роҳбарии Раиси муаззами ҳизб муҳтарам Эмомалӣ Раҳмон аз рӯзҳои аввали таъсисёбии хеш барои устувориву пойдории сулҳ ва ободии Ватан кӯшиш ба харҷ дода, ҳадафи асосиаш низ ваҳдату ягонагӣ ва таъмини ояндаи неки кишвар мебошад.
Маркази матуботи Хадамоти муҳоҷират
