Дар идома мулоқоту вохӯриҳои гурӯҳи тарғиботии Мақомоти иҷроияи ҳокимияти давлатии ноҳияи Фархор, ки ба он намояндаи бахши Хадамоти муҳоҷират низ шомил аст, бо мақсади баланд бардоштани сатҳи худшиносию ватандӯстии насли наврас ва ҷалби ҳарчи бештари аҳолӣ, бахусус насли ҷавон дар ҷамоати деҳоти Зафар дар муассисаи таҳсилоти миёнаи умумии №7-и ноҳия бо омӯзгорон, волидон ва хонандагон баргузор гардид.

Дар рафти вохӯрӣ баромадкунандагон перомуни ҷалби ҷавонон ба ҳаёти солим ва пешгирии омилҳои номатлуби иҷтимоӣ, аз қабили нашъамандӣ, оворагардию бесаводӣ, ВНМО, шомилшавӣ ба гурӯҳҳои ифротгаро ва истифодаи нодурусти шабакаҳои иҷтимоӣ,  таваҷҷуҳи махсус зоҳир намуда, таъкид кард, ки танҳо тавассути ҳамкории зич миёни мактаб, волидон ва ҷомеа метавон аз ин таҳдидҳо ҷилавгирӣ карданд.

Инчунин таъкид намудаанд, ки терроризм ва экстремизм аз як ҷониб чун як вабои аср хатари глобалии ҷиддӣ буда, аз ҷониби дигар, аъмоли он гувоҳ аст, ки терроризм ватан, миллат ва дину мазҳаб надорад.

Ҳамзамон, як таҳдиде ба ҷомеаи ҷаҳонӣ ва ба ҷони ҳар як сокини сайёра аст. Ҳифзи истиқлолият ва таъмини ваҳдати миллӣ вазифаи муқаддаси ҳар як шаҳрванди Ҷумҳурии Тоҷикистон буда, он кафили сулҳу оромӣ, ҳувияти миллӣ ва суботи кишвар мебошад. Бо шарофати сиёсати хирадмандонаи Пешвои миллат, Президенти кишвар муҳтарам Эмомалӣ Раҳмон ватани азизамон мунтазам пеш рафта, суботу амнияти миллӣ таъмин мебошад.

Ба ҳамин хотир моро зарур аст, ки баҳри ҳимояи манфиатҳои миллӣ ҳамеша кӯшиш намуда, манфиатҳои шахсиро дар зинаи охир бимонем ва ҳамеша дӯстдори Ватани маҳбубамон бошем.

Мо дар якҷоягӣ метавонем бар зидди ҳамагуна зуҳуроти номатлуб муборизаи беамон барем. Пас даст бар дасти ҳам монда кӯшиш намоем, баҳри муҳофизати ин марзу бум ҷони худро дареғ надошта, содиқонаю софдилона хизмати арзандае намоем.

Инчунин, дар рафти вохӯрӣ мудири бахши Хадамоти муҳоҷират дар ноҳияи Фархор  баромад намуда, дар бораи муҳоҷирати бехатар, қонунҳои нави кишвари Россия дар самти муҳоҷирати меҳнатӣ суханронӣ намуда, чанд сухан дар бораи ватандӯстӣ, роҳҳои пешгирии шомилшавии ҷавонон ба гурӯҳҳои ифротӣ, баланд бардоштани обрӯву нуфузи миллат тавассути рафтори намунавӣ, зарурати таҳсил дар муассисаҳои таълимии маҳал, инчунин тавсияҳои ҳуқуқӣ оид ба рафтори муҳоҷирон дар ҳолати тафтиши ҳуҷҷатҳо аз ҷониби пулис, риояи тартиботи будубоши қонунӣ дар Федератсияи Россия ва тартиби барқарорсозии ҳуҷҷатҳои гумшуда маълумот гирифтанд.

Дар ҷараёни мулоқот таъкид гардид, ки ҳар як ҳамватан бояд дар тарбияи насли наврас дар рӯҳияи ҳувияти миллӣ, эҳтиром ба фарҳангу суннатҳои аҷдодӣ ва кумак ба ҳалли мушкилоти муҳоҷирон саҳмгузор бошад.

Раёсати Хадамоти муҳоҷират дар вилояти Хатлон