Тибқи нақшаи муштараки сохторҳои дахлдори Мақомоти иҷроияи ҳокимияти давлатии ноҳияи Темурмалик бо иштироки гурӯҳи тарғиботӣ дар ҳайати муовини раиси ноҳия Айниддин Аслиддин, раиси КИ ҲХДТ Раҷабзода Маҳмасаид, раиси Ҷамоати шаҳраки Баҳманруд Икромзода Суҳроб, сардори шуъбаи Агентии меҳнат ва шуғли аҳолӣ Акбарзода Мукарама, мудири бахши Хадамоти муҳоҷират Сафарзода Баҳодур, муовини сардори КДАМ ва мудири бахши ҷавонон ва варзиш Наимзода Муҳаммадҷон дар Ҷамоати шаҳраки Баҳманруд бо сокинон, фаъолон ва муҳоҷирони ба ватан бозгашта вохӯрӣ баргузор гардид.
Дар рафти он аъзои гурӯҳи тарғиботӣ оид ба муҳтавои Паёми Президенти Ҷумҳурии Тоҷикистон, пешгирии ҷавонон ба гурӯҳҳои ифротӣ, терроризм экстремизм, таълимоти ғайрирасмии динӣ, ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, баланд бардоштани маърифати ҳуқуқии шаҳрвандон, пешгирии нашъамандӣ, зуроварӣ дар оила, худкушӣ суиқасд ба ҷони худ, номзадшавии бармаҳал, ба касбомӯзӣ фаро гирифтани занону духтарони хонашин, роҳ надодан ба пӯшидани либоси бегона, тарғиби фарҳанги миллӣ, пешгирии бемориҳои сироятӣ, тозаю озода нигоҳ доштани маҳалӣ зист, тарзи дурусти истифодаи телефони мобилӣ, рафти иҷрои Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак”, “Дар бораи танзиму анъана ва ҷашну маросим дар Ҷумҳурии Тоҷикистон” ва оиди дигар масъалаҳои мубрами рӯз, суханронӣ намуданд.
Аз ҷумла, мудири бахши Хадамоти муҳоҷират дар ноҳияи Темурмалик Сафарзода Баҳодур, дар рафти суҳбат ба сокинон, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани Патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.
Ҳамзамон, қайд карданд, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ ва душманони миллат нагарданд.
Чорабинии мазкур бо саволу ҷавоб ва баррасии масъалаҳои муҳими иҷтимоӣ идома ёфта, иштирокчиён барои баргузории чунин мулоқотҳои маърифатӣ изҳори миннатдорӣ намуданд.Қобили зикр аст, ки ин силсилаи мулоқотҳои тарғиботӣ дар дигар ҷамоату деҳоти ноҳия бо маром идома дорад.
Раёсати Хадамоти муҳоҷират дар вилояти Хатлон
