Дар доираи Нақша чорабиниҳои бахши Хадамоти муҳоҷират дар ноҳияи Қубодиён бо мақсади ташакулли мафкураи сиёсии шаҳрвандон ва бо ин васила баланд бардоштани маърифати ҳуқуқии шаҳрвандон бо сокинони деҳаи Х. Файзуллоев ва Чкалови Ҷамоати деҳоти Тахти Сангини ноҳия сӯҳбату вохӯриҳо гузаронида шуд.
Дар рафти сӯҳбат вобаста ба дастуру супоришҳои Президенти Ҷумҳурии Тоҷикистон дар Паёми навбатиашон ба Маҷлиси Олии Ҷумҳурии Тоҷикистон ироа гардида ва вохӯрии роҳбари давлат, ки санаи 9 марти соли 2024 бо фаъолони ҷомеа ва ходимони дин доир намуда буданд, шарҳу тавзеҳ карда шуд.
Ҳамзамон вобаста ба дастовардҳо ва созандагиҳои Асосгузори сулҳу Ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар тӯли 32 соли соҳибистиқлолӣ Ҷумҳурии Тоҷикистон ба даст омадааст суҳбатҳои самимӣ ороста шуд.
Дар рафти вохӯрӣ оид ба пешгирии шомилшавии ҷавонон ба ҳизбу ҳаракатҳои террористӣ – экстремистӣ, хатарҳои савдои одамон дар раванди муҳоҷират, ҷинояту ҷинояткорӣ байни наврасону ҷавонон ва дигар омилҳои номатлуб дар ҷомеа, даъвати ҷавонон ба сафи Қувваҳои Мусаллаҳи Ҷумҳурии Тоҷикистон, пешгирии аҳолӣ аз касалиҳои сироятӣ, риояи талаботҳои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд дар Ҷумҳурии Тоҷикистон”, “Дар бораи танзими анъана ва чашну маросим дар Ҷумҳурии Тоҷикистон” ҷалби сокинон махсусан наврасону ҷавонон ба озмунҳои ҷумҳуриявӣ, олимпиадаҳои фанӣ аз тарафи масъулин ба ҳозирин расонида шуд.
Чунин вохӯриву суҳбатҳо бо сокинони ҷамоату шаҳраки ноҳияи Қубодиён мунтазам баргузор хоҳад шуд.
Раёсати Хадамоти муҳоҷират дар вилояти Хатлон
