Тибки нақша чорабиниҳо дар Раёсати Хадамоти муҳоҷират дар вилояти Суғд бо мақсади баланд бардоштани савияи донишҳои ҳуқуқии кормандон оид ба пешгирии ҷиноятҳои вобаста ба хусусияти коррупсионидошта ва ба ин васила таъмин намудани зиндагии шоистаи аҳолӣ, дар мавзӯи “Стратегияи давлатии муқовимат бо коррупсия дар Ҷумҳурии Тоҷикистон дар давраи то соли 2030” бо иштироки васеи кормандон чорабинӣ баргузор гардид.
Дар вохӯрии мазкур ҷиҳати амали гардонии Фармони Президенти Ҷумҳурии Тоҷикистон “Дар бораи Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” мудири бахши муҳоҷирати дохилӣ ва экологии раёсати Хадамоти муҳоҷират дар вилояти Суғд Зоҳидов Х,, баромад намуда, қайд кард, ки Фармон ҳамчун санади барномавии дурнамои миёнамуҳлати сиёсати Ҷумҳурии Тоҷикистон дар самти муқовимат ба коррупсия ба ҳисоб рафта, барои паст кардани шиддат ва сатҳи коррупсия дар кишвар равона карда шудааст.
Дар фарҷоми чорабинӣ сардори Раёсати Хадамоти муҳоҷират дар вилояти Суғд Камолзода С., ба сардорони шуъба ва мудирони бахшҳои Хадамоти муҳоҷират дар шаҳру ноҳияҳои вилоят дастур дод, ки Стратегияи мазкуро дар доираи нақшаи таҳиягардида дар самти пешгирӣ, чораҳои фаҳмондадиҳӣ, ошкорсозӣ ва бартараф намудани сабабу шароитҳои пайдокунандаи коррупсия ва ба он мусоидаткунанда фаъолиятро ҷоннок намоянд.
Маркази матбуоти Хадамоти муҳоҷират
