Шуъбаи Хадамоти муҳоҷират дар шаҳри Кӯлоб гузаронидани корҳои иттилоотӣ – фаҳмондадиҳиро дар байни аҳолӣ, вобаста ба муҳоҷирати бехатар, пешгирии шомилшавии ҷавонон ба ҳизбу ҳаракатҳои ифротӣ, касбомӯзӣ, ба ҷойҳои кории холии мавҷудбуда ҷалб намудани сокинон дар дохил ва хориҷи кишвар ва дигар масъалаҳои мубрами рӯз пурзӯр намуда истодаанд.

Ҳафтаи сипаригардида кормандони шуъбаи Хадамоти муҳоҷират дар шаҳри Кӯлоб дар ҳамбастагӣ бо шуъбаи Агентии меҳнат ва шуғли аҳолӣ дар байни сокинони шаҳри Кӯлоб вобаста ба нуқтаҳои муҳими муҳоҷирати бехатар, дарёфти ҷойи кор дар дохил ва хориҷи кишвар ва хатарҳои таҳдидкунандаи ҷаҳони имрӯза корҳои фаҳмондадиҳию иттилоотиро ба роҳ монда, дар ҷараёни вохӯриҳо самтҳои афзалиятноки муҳоҷирати бехатар, пешгирии ҷинояткорӣ, эҳтироми арзишҳои умумиинсонӣ ва мавҷудияти ҷойҳои кории холиро дар дохили кишвар ва дигар давлатҳои хориҷие, ки Ҷумҳурии Тоҷикистон бо онҳо шартномаҳои тарафайн  дорад, ба саҳми иштироккунандагон расониданд.

Инчунин, чунин иқдом дар Фурудгоҳи байналмилалии Кӯлоб дар байни муҳоҷирони меҳнатие, ки ба Федератсияи Россия азми сафар доштанд гузаронида шуда, дар раванди ин чорабиниҳо 500 адад буклетҳои роҳнамоӣ вобаста ба муҳоҷирати бехатар, ҷойҳои корӣ дар ширкатҳои давлатҳои хориҷа ва пешгирии бемориҳои сироятӣ, дастраси мардум гардонида шуд.

Чунин, як вохӯрии судманд бо муҳоҷирони меҳнатии ба ватан баргашта, аъзои оилаи онҳо, сокинон ва фаъолони маҳаллаҳои 1-май ва Борбади шари Кӯлоб гузаронида шуд.

Дар рафти вохӯрӣ ба ҳозирин маълумот пешниҳод гардид, ки шаҳрвандони мо, ки ба сини 18-солагӣ расидаанд метавонанд бо тартиби раводид фаъолияти меҳнатиро дар давлатҳои хориҷи кишвар, инчунин дар Федератсияи Россия тибқи шартномаи корӣ бо шахсони воқеӣ, ҳуқуқӣ ва соҳибкорони инфиродӣ ба роҳ  монанд.

Бо назардошти он, ки муҳоҷирати меҳнатӣ бехатар ва манфиатнок бошад,  ҳар як муҳоҷири менатӣ бояд дар муддати 30 – рӯзи тақвимӣ аз рӯзи воридшавӣ ба ҳудуди ин давлат шахсон ё тавассути субъектҳои ваколатдори он ба мақомоти ҳудудии ВКД ФР дар самти муҳоҷират ҳуҷҷатҳои худро пешниҳод намуда, барои гирифтани иҷозати корӣ дар доираи патент, суғуртаи ихтиёрии тиббӣ бо ҳуҷҷатҳои тасдиқкунандаи надоштани бемориҳои сироятӣ муроҷиат  намояд.

Инчунин, дар муҳоҷири меҳнатӣ донистани забон ва доштани ҳуҷҷати касбӣ зарур мебошад.

Аз ин лиҳоз, тавсия дода шуд, ки пеш аз сафар ба хориҷа ба пуррагӣ омодагӣ гирифта, аз курсҳои кутоҳмуддати забономӯзӣ ва касбомӯзии марказҳои таълимӣ истифода намуда, соҳиби касб гарданд ва ё дар сурати доштани малакаи касбӣ бо супоридани тест соҳиби шаҳодатномаи тахассусӣ гардида тавонанд.

Ҳамзамон тавсия дода шуд, ки пеш аз гирифтани чиптаи сафар  оиди манъ будан ё набудани вуруд худ аз хизматрасонии шуъбаи Хадамоти муҳоҷират дар маҳал истифода баранд.

Бояд қайд кард, ки тибқӣ супориши протоколии маҷлиси назоратии сардори Хадамоти муҳоҷират аз 10.09.2024, №1-30 ҷиҳати таъмин намудани сокинони мамлакат бо ҷойи кори доимӣ ва мавсимӣ, ярмаркаи ҷойҳои кории холӣ ва вазифаҳои озод дар маркази шаҳри Кӯлоб ташкил карда шуд, ки дар рафти он ба 26 нафар шаҳрвандон барои ба кор баромадан дар дохили кишвар роҳхат дода шуда, 4 – нафари дигар барои барасмиятдарории ҳуҷатҳояшон ба муассисаи давлатии «Марказҳои машваратӣ» – и Хадамоти муҳоҷират сафарбар карда шуданд.

Раёсати Хадамоти муҳоҷират дар вилояти Хатлон