Бо ташаббуси бахши Хадамоти муҳоҷират дар ноҳияи Кӯҳистони Мастчоҳ дар деҳаи Пакшиф, Ҷамоати деҳоти Лангар, бо сокинон, ҷавонон ва муҳоҷирони меҳнатии ба ватан бозгашта оид ба қонунгузории Федератсияи Россия дар самти муҳоҷирати меҳнатӣ, тартиби муайян намудани мақсади ташриф дар варақаи муҳоҷиратӣ, муҳлати будубош дар қаламрави давлати номбурда, бақайдгирии муҳоҷиратӣ дар муддати муайяншуда ва муроҷиат доир ба тағйиротҳо дар қонунгузории Федератсияи Россия, риояи меъёрҳои қонунгузорӣ зимни фаъолияти меҳнатӣ, фаъолият дар заминаи шартномаи меҳнатӣ, риояи талаботҳои бехатарӣ дар истеҳсолот, огоҳони ба гурӯҳҳои хатарафзо, террористиву экстремистӣ, ифротгароии динӣ ва тарзи дуруст истифода намудани шабакаҳои иҷтимоӣ ба шаҳрвандон, чорабинии иттилоотӣ-маърифатӣ баргузор гардид.
Қайд гардид, ки дар талаботҳои қонунгузории кишвари иқомат тағйиротҳои зиёд дар самти муҳоҷирати меҳнатӣ ворид гардида, шаҳрвандонро зарур аст, ки меъёрҳои муайяншударо риоя намуда, баъди ба даст овардани иҷозатномаи фаъолияти меҳнатӣ бо корфармо шартномаи меҳнатӣ огоҳинома пешниҳод намоянд. Дар ин замина аз шаҳрвандон даъват ба амал оварда шуд, ки зимни фаъолияти меҳнатӣ, меъёрҳои бехатарӣ дар истеҳсолотро риоя намуда, бехатарии саломатии худ ва дигар ҳамватанонро таъмин намояд.
Дар анҷоми чорабинӣ ба таваҷҷуҳи сокинон расонида шуд, ки ҷиҳати қонунигардонӣ дар Федератсияи Россия аз 30.12.2024, №1126 Фармони Президенти Федератсияи Россия ба тасвиб расидааст, ки аз 28 апрели соли 2025ба он тағйирот ворид гардида, муҳоҷирони меҳнатӣ, ки мушкилот дар самти ҳуҷҷатгузории худ доранд, метавонанд то санаи 10 сентябри соли 2025вазъи ҳуқуқии худро ба танзим дароранд.
Ҳамзамон, чунин як чорабинӣ бо ибтикори бахши Хадамоти муҳоҷират дар ноҳияи Ҷаббор Расулов дар МТМУ №14-и ноҳия бо муҳоҷирони ба ватан бозгашта, чорабинии иттилоотӣ доир ба тағйиротҳо дар самти муҳоҷирати меҳнатӣ, баргузор карда шуд.
Раёсати Хадамоти муҳоҷират дар вилояти Суғд
