Тибқи нақша – чорабиниҳои тасдиқнамудаи Раёсати Хадамоти муҳоҷират дар вилояти Суғд бахши Хадамоти муҳоҷират дар шаҳри Истаравшан бо фаъолон, сокинон, муҳоҷирони ба ватан бозгашта ва аъзои оилаи онҳо корҳои фаҳмондадиҳӣ гузаронида шуд.
Мақсад ва баргузории чунин вохӯриҳо, пеш аз ҳама, пешгирии шомилшавии ҷавонон ба ҳаргуна ҳизбу ҳаракаҳои ифротгаро, терроризму экстремизм, дучори савдои одамон ва қурбониёни он нагаштан, инчунин пешгирии ҳодисаҳои номатлуб байни занону ҷавонон ва рафти амалишавии Қонунҳои Ҷумҳурии Тоҷикистон “Дар бораи муҳоҷират”, “Дар бораи танзими ҷашну маросим дар Ҷумҳурии Тоҷикистон” ва “Дар бораи масъулият барои таълиму тарбияи кӯдак” мебошад.
Мудири бахши Хадамоти муҳоҷират дар шаҳри Истаравшан ба шаҳрвандоне, ки хоҳиши сафар барои фаъолияти меҳнатӣ ба кишварҳои хориҷа, аз ҷумла Федератсияи Россия доранд, дар бораи тартиби дароз намудан ва ё кам намудани муҳлати будубоши шаҳрвандони хориҷӣ ва шахсони бешаҳрванд дар Федератсияи Россия, ба расмият даровардани ҳуҷҷатҳо, гирифтани Патент, қайди муваққатӣ, бастани шартнома бо кордиҳанда ва дигар масъалаҳои мубрами рӯз, ироа намуд.
Ҳамзамон, иштирокдоронро оид ба иҷроиши Фармони Президенти Федератсияи Россия аз 28 апрели соли 2025, таҳти №272 “Оиди ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126”, муҳлати қонунигардонӣ дар Федератсияи Россия то 10 сентябри соли 2025 тамдид карда шудааст, шинос карда шуд.
Раёсати Хадамоти муҳоҷират дар вилояти Суғд
