Бахши Хадамоти муҳоҷират дар ноҳияи Спитамен дар якчояги бо шуъбаи Агентии меҳнат ва шуғли аҳолии ноҳия вохӯриву мулоқот дар Ҷамоати деҳоти Куруш вобаста ба муҳтавои Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” доир намуданд.
Баромадкунадагон оид ба пешгирии ҳодисаҳои номатлуб, аз қабили шомилшавии ҷавонон ба ҳизбу ҳаракатҳои террористиву экстремистӣ, ҷинояткорӣ аз ҷониби наврасону ҷавонон ва баланд бардоштани тарбияи ватандӯстии ҷавонон, татбиқи Қонуни Ҷумҳурии Тоҷикистон ”Дар бораи масъулияти падару модар дар таълиму тарбияи фарзанд” ”Дар бораи танзими анъана ва ҷашну маросимҳо дар Ҷумҳурии Тоҷикистон” ва дастовардҳои даврони соҳибистиқлолӣ, мухочирати бехатар, омодаги пеш аз сафар, қонунгузории Федератсияи Россия оид ба муҳоҷират, пешгирии бемориҳои ВНМО/БПНМ, сил, ҷалби ҷавонон ба хизмати ҳарбӣ ва дигар масъалаҳои мубрами рӯз суханронӣ намуданд.
Аз ҷумла, зимни баромад мудири бахши Хадамоти муҳоҷират дар ноҳияи Спитамен таъкид дошт, ки омили муҳимтарини ҳастии миллат, ҳуввияти миллӣ, сарчашмаи тамоми хушбахтиҳо ва ваҳдати миллату пешрафти ҷомеа ин нерӯи муттаҳид будани насли ҷавон маҳсуб меёбад. Воқеан, ҳам имрӯз ҷавонон ҳамчун пешбарандаи ояндаи миллату давлат, ҳифз ва талқинкунандаи фарҳанг, тамаддун ва арзишҳои миллию анъанавӣ дар байни имрӯзу ояндаи ҷомеа буда, идомадиҳанда ва посдорандаи арзишҳои инсонӣ мебошанд, ки бар ин васила рисолати ояндаи дурахшони ҷомеа аз ҷавонон вобастагӣ дорад.
Бахши Хадамоти муҳоҷират дар ноҳияи Спитамен
