Шуъбаи Хадамоти муҳоҷирати шаҳри Хуҷанд дар якҷоягӣ бо намояндагони Агентии мубориза бо коррупсияи Ҷумҳурии Тоҷикистон, ШВКД ва Агентии меҳнат ва шуғли аҳолии шаҳр дар маҳаллаи Мевағули шаҳри Хуҷанд чорабинии иттилоотӣ-маърифатӣ баргузор намуданд.
Масъалаи асосии чорабинӣ пешгирии шомилшавии ҷавонон аз гурӯҳҳои ифротгароӣ, муҳоҷирати бехатар, шинос намудани шаҳрвандон ба қоидаву қонунҳои нави Федератсиия Россия буд. Дар чорабинӣ сокинони маҳаллаи мазкур иштирок намуданд.
Сардори шуъбаи Хадамоти муҳоҷирати шаҳри Хуҷанд Сатторова М. оид ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгири, ҳуҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), донистани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, ёрии тиббӣ расонидан ба шаҳрвандони хориҷӣ дар қаламрави Федератсияи Россия, гирфтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан дар алоҳидагӣ иброз намуд.
Корманди шуъбаи Вазорати корҳои дохилии шаҳри Хуҷанд оид ба ҳамкории босамарашон бо шуъбаи Хадамоти муҳоҷират дар шаҳри Хуҷанд гуфта гузашта, оиди роҳҳои пешгирии шомилшавии муҳоҷирони меҳнатӣ ба ҳизбу ҳаракатҳои ифротгаро фаҳмонида дод, таъкид дошт, ки дар ин самт, пеш аз ҳама, бояд падару модарон ва шахсони наздики онҳо масъулият ҳис намоянду корбарӣ кунанд.
Баъди шунидани маърӯзаҳо сӯҳбатҳои озод ва саволу ҷавоб байни маърӯзачиён ва иштирокчиёни чорабинӣ доир шуд.
Баромадкунандагон таъкид намуданд, ки бо дарназардошти кори дастаҷамъона бурдани мубориза бар зидди хавфу хатарҳои ҷаҳонӣ ва вабои аср, корҳои иттилоотиро пеш аз ҳама, бояд байни ҷавонон ҷоннок кард.
Шуъбаи Хадамоти муҳоҷирати шаҳри Хуҷанд минбаъд низ ҷиҳати гузаронидани корҳои иттилоотӣ-маърифатӣ фаъолияти худро хубтару беҳтар ба роҳ мегузорад.
Шуъбаи Хадамоти муҳоҷирати шаҳри Хуҷанд
