Бо ибтикори гурӯҳи кории Мақомоти иҷроияи ҳокимияти давлатии шаҳри Исфара, ки ба он шуъбаи Хадамоти муҳоҷират шомил аст, бо фаъолон, раисони маҳаллаҳо ва оилаҳои муҳоҷирони меҳнатӣ бо иштироки 120 нафар мулоқот баргузор гардид.
Дар рафти он аъзои гурӯҳи тарғиботӣ оид ба ҷалби ҷавонписарон ба сафи Қувваҳои Мусаллаҳи Ҷумҳурии Тоҷикистон, пешгирии шомилшавии ҷавонон ба гурӯҳҳои ифротгароӣ ва таълимоти ғайрирасмии динӣ, пешгирии зуроварӣ дар оила, ба касбомӯзӣ фаро гирифтани занону духтарони хонашин, самаранок истифода бурдани қувваи барқ, тарзи дурусти истифодаи телефони мобилӣ, ҳамзамон, оид ба иҷрои Фармони Президенти Ҷумҳурии Тоҷикистон аз 1 июни соли 2021, № 187 “Дар бораи Стратегияи муқовимат ба экстремизм ва терроризм дар Ҷумҳуриии Тоҷикистон барои солҳои 2021-2025”ва дигар масъалаҳои мубрами рӯз, суханронӣ намуданд.
Инчунин, ба шаҳрвандоне, ки хоҳиши сафар барои фаъолияти меҳнатӣ ба кишварҳои хориҷа, аз ҷумла Федератсияи Россия сафар мекунанд дар бораи тартиби дароз намудан ва ё кам намудани муҳлати будубоши шаҳрвандони хориҷӣ ва шахсони бешаҳрванд дар Федератсияи Россия, ба расмият даровардани ҳуҷҷатҳо, гирифтани Патент, қайди муваққатӣ, бастани шартнома бо кордиҳанда ва дигар масъалаҳои мубрами рӯз, ироа намуданд.
Ҳамзамон, иштирокдоронро оид ба иҷроиши Фармони Президенти Федератсияи Россия аз 28 апрели соли 2025, таҳти №272 “Оиди ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126”, муҳлати қонунигардонӣ дар Федератсияи Россия то 10 сентябри соли 2025 тамдид карда шудааст, шинос карда шуд.
Раёсати Хадамоти муҳоҷират дар вилояти Суғд
