Шуъбаи Хадамоти муҳоҷират дар шаҳри Панҷакент дар асоси банди 1-и нақша чорабинии Раёсати Хадамоти муҳоҷират дар вилояти Суғд оиди амалисозии Стратегияи давлатии муқовимат ба экстремизм ва терроризм барои солҳои 2021 – 2023 ва ҳамчунин бо дар назардошти нақшаи чорабиниҳои муштарак якҷоя бо шуъбаҳои Кумитаи давлатии амнияти миллӣ, Вазорати корҳои дохилӣ, бахш оид ба танзими дин, анъана ва ҷашну маросим ва КИ ҲХДТ дар Раёсати Агентии меҳнат ва шуғли аҳолии шаҳри Панҷакент чорабинии иттилоотию фаҳмондадиҳӣ байни кормандон баргузор гардид.
Дар чорабинии мазкур кормандони шуъба, кормандони шуғли аҳолӣ ва Филиали маркази таълимии калонсолони Тоҷикистон дар шаҳри Панҷакент иштирок намуданд.
Дар рафти чорабинӣ, ҷиҳати дар амал татбиқ намудани Стратегияи мазкур ва шомил шудани шаҳрвандон, алалхусус наврасону ҷавонон ва муҳоҷирони меҳнатӣ ба ҳизбу ҳаракатҳои ифротгаро, пешгирӣ аз бемориҳои сироятӣ, соҳибкасб намудани занону бонувон бо мақсади паст намудани шиддати муҳоҷират дар байни занон, баромадҳо аз ҷониби кормандони шуъба ба ҳозирин ироа гардид.
Инчунин, қайд гардид, ки чунин вохӯриву мулоқотҳо бо сокинон дар дигар ҷамоат ва маҳаллаҳои шаҳр баргузор карда мешавад.
Ҳамзамон аз ҷониби масъулини шуъбаи Хадамоти муҳоҷират дар шаҳри Панҷакент ба иштирокдорон варақаҳои иттилоотӣ – маърифатӣ тақсим карда шуд.
Раёсати Хадамоти муҳоҷират дар вилояти Суғд
