Бахши Хадамоти муҳоҷират дар ноҳияи Деваштич дар Ҷамоати деҳоти Далёни Болои деҳаи Далёни Поён вохӯрии судманд бо сокинони деҳа, ки 60 нафарро ташкил медод, баргузор намуд.

Дар вохӯрӣ намояндагони Мақомоти иҷроияи ҳокимияти давлатии ноҳия ва фаъолон иштирок ва баромад намуданд.

Баромадкунандагон бо арзу шикоятҳои мардуми деҳа аз наздик шинос шуда, барои ҳарчи бештар ҳалли худро ёфтани масъалаҳои пешомада якчанд дастуру супоришҳо дода шуд.

Вобаста ба масъалаҳои пешгирии ҳодисаҳои номатлуб байни занону ҷавонон, муҳоҷират, теророризму экстремизм, пешгирии бемориҳои сироятӣ, рафти амалишавӣ ва риояи Қонунҳои Ҷумҳурии Тоҷикистон “Дар бораи муҳоҷират”, “Дар бораи танзими анъана ва ҷашну маросим дар Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд”, даъвати ҷавонон ба сафи қувваҳои мусаллаҳи Ҷумҳурии Тоҷикистон, ҳуруфотпарастӣ ва дар бораи қонунҳои динӣ суханронӣ карда шуд.

Мудири бахши Хадамоти муҳоҷират дар ноҳияи Деваштич Зиёзода Д., оид ба муҳтавои паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 28 декабри соли 2023 ироа гардида, доир ба муҳтавои Қонуни Ҷумҳурии Тоҷикистон “Дар бораи тарбияи ватандӯстии шаҳрвандон”, қарори Ҳукумати Ҷумҳурии Тоҷикистон “Дар бораи маърифати ҳуқуқи шаҳрвандон” масъалаҳои пешгирии омилҳои номатлуби ифротгароӣ, терроризму экстеремизм, тақлиди фарҳанги бегона, худкушӣ, хариду фурӯши одамон, муҳоҷирати меҳнатӣ, баланд бардоштани ҳисси ватандӯстӣ, ташаккули худшиносиву зиракии сиёсӣ, арҷгузорӣ ба муқаддасоти давлат ва хизмат дар сафи Қувваҳои мусаллаҳи Ҷумҳурии Тоҷикистон, ҳифзи арзишҳои фарҳанги миллӣ, нашъамандию, нашъаҷалобӣ, тарғиби тарзи ҳаёти солим, пешгирии ҷудошавии оилаҳои ҷавон, чораҳои зиддибуҳрониву муқовимат ба омилҳои коррупсионӣ, ташвиқи китобхониву китобдӯстӣ ва дар амал татбиқ намудани қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд», «Дар бораи озодии виҷдон ва иттиҳодияҳои динӣ» ва саҳмгузорӣ дар ободонию созандагӣ Ватан суханронӣ намуд.

Инчунин оид ба масълаҳои муҳоҷирати бехатар, мубориза бар зидди савдои одамон, пешгирии зӯроварӣ дар оила, ҳаракатҳои гуногуни ифротӣ ва доир ба масъалаҳои мубрами рӯз ба самъи шаҳрвандоне, ки аз муҳоҷирати меҳнатӣ баргаштаанд ва аъзои оилаи онҳо маълумотҳои зарурӣ расонида шуд.

Ҳамзамон бо мақсади ба шаҳрвандон расонидани қоидаю қонунҳое, ки дар давлати сафаркунандаи онҳо амал мекунад корҳои иттилоотӣ-маърифатӣ дар байни муҳоҷирони меҳнатӣ ва аъзои оилаи онҳо “Дар бораи тартиби дароз намудан ва ё кам намудани муҳлати будубоши шаҳрвандони хориҷӣ ва шахсони бешаҳрванд дар Федератсияи Россия”, ки барои ба расмият даровардани ҳуҷҷатҳои муҳоҷирони меҳнатӣ ба шаҳрвандон ва аъзои оилаи онҳо гузаронида шуда, аксбардорӣ карда шуд.

Раёсати Хадамоти муҳоҷират дар вилояти Суғд минбаъд, барои хубтару фаъолтар гузаронидани корҳои тарғиботию ташвиқотӣ байни аҳолии вилоят кӯшиш ба харҷ медиҳад.

Бахши Хадамоти муҳоҷират дар ноҳияи Деваштич