Санаи 20 майи соли равон, аз ҷониби мутахассисони Муассисаи давлатии “Маркази шаҳрии ВНМО”–и шаҳри Душанбе дар толори Хадамоти муҳоҷират чорабинии маърифатию фаҳмондадиҳӣ оид ба масъалаҳои пешгирии ВНМО гузаронида шуд. Дар чорабинии мазкур кормандони дастгоҳи марказии Хадамоти муҳоҷират ва МД “Марказҳои машваратӣ ва омодагии пеш аз сафари муҳоҷирони меҳнатӣ” иштирок намуданд.
Дар рафти чорабинӣ Шамсидинзода Шабнам табиби эпидемиологӣ муассисаи мазкур баромад намуда, оиди бемории вируси норасии масунияти одам, таърихи пайдоиш, роҳҳои интиқол, роҳҳои пешгирӣ, табобат, вазъи эпидемиологии ВНМО дар ҷаҳон ва дар Ҷумҳурии Тоҷикистон маълумоти муфассал пешниҳод кард.
Номбурда қайд кард, ки сатҳи сироятёбии сокинон ба ин вирусро ташвишовар намедонад ва мегӯяд, ки “сатҳи эпидемия нисбат ба кишварҳои ҳамсоя дар Тоҷикистон пасттар аст. Дар кишвари мо барои мубориза бо ВНМО барномаҳои зиёде амалӣ гардида, дар навбати худ натиҷаи назаррас дода истодаанд”.
Вируси норасоии масъунияти одам бо се роҳ, аз хун бо хун, аз сӯзандору ва аз модари бо вирус зиндагикунанда ба кӯдак мегузарад. Аммо таҳлилҳо ва мушоҳидаҳо нишон медиҳанд, ки бештари мардум гузариши ВНМО-ро танҳо алоқаи ҷинсӣ дониста, ахшоси гирифтори ин вирусро бероҳа ва беҳудагард низ баҳодиҳӣ мекунанд. Вале сабаби гирифтории шахси беморро надониста (бигзор дониста бошад), бо ҳисси бадбинӣ ё нафрат нигоҳ кардан сӯйи шахси бемор сабаби аз зиндагӣ дилсард ва аз табобат гурезӣ шудани ӯ мегардад.
Мутахассисони соҳа бар он назаранд, ки бо ин гуна беморон набояд рафтори нодурусту дурушт кард ва аз онҳо дурӣ ҷуст. Ин гуна афрод бояд ба мардум дуруст муаррифӣ шаванд, ҳар яки мо барои ҷабли онҳо ба табобат ва ҳаёти солиму созанда саҳмгузор бошем. Саҳми мо ҳамагӣ рафтори дуруст, нигоҳи гарм, “дар зери як офтоб зистан” бо онҳост.
Дар рафти вохӯрӣ ба ҳозирин ба воситаи монитор видеоролики иттилоотӣ оиди ВНМО ба диққати иштирокчиёни чорабинӣ пешкаш карда шуд.Баъдан аз ҷониби иштирокчиёни чорабинӣ ба мутахассисони МД “МҶ ВНМО” саволҳо оид ба роҳҳои интиқоли ғайритабии ВНМО, гузаштан аз ташхиси ВНМО, давраи ноайёнии ВНМО, табобат дода шуда, мутахассисони марказ ба ҳамаи саволҳо ҷавобҳои дақиқ ва саҳеҳ доданд.
Маркази матуботи Хадамоти муҳоҷират
