Шуъбаи Хадамоти муҳоҷирати шаҳри Хуҷанд дар асоси нақша чорабинии муштарак дар Литсейи касбии техникӣ-сохтмонӣ шаҳри Хуҷанд чорабинии иттилоотӣ-маърифатӣ баргузор намуд. Дар он омузгорон ва донишҷуёни литсей иштирок намуданд.

Дар баромад мутахассиси пешбари шуъбаи Хадамоти муҳоҷирати шаҳри Хуҷанд оид ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), донистани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, ёрии тиббӣ расонидан ба шаҳрвандони хориҷӣ дар қаламрави Федератсияи Росссия, гирифтани патент, тартиб додани шартномаи меҳнатӣ, танҳо бо шиносномаи хориҷӣ ворид шудан суханронӣ намуд. Инчунин ӯ дар бораи шомил нашудан ба ҳизбу ҳаракатҳои ифротгароӣ экстремизм ва терроризм ҳарф зада ба донишҷӯён оиди ин ҳадафҳои номатлуб гуфта дод.

Баъди шунидани маърузаҳо суҳбатҳои озод ва саволу ҷавоб байни маърузачиён ва иштирокчиёни чорабинӣ доир шуд.

Директори Литсейи касбии техникӣ-сохтмонӣ чорабиниро ҷамъбаст намуда таъкид кард, ки бо назардошти кори дастаҷамъона бурдани мубориза бар зидди хавфу хатарҳои ҷаҳонӣ ва вабои аср, корҳои иттилоотӣ-маърифатиро бояд ҷоннок намуд.

Бояд қайд кард, ки бурдани корҳои иттилоотӣ – маърифатӣ дар ҳама шубаю бахшҳои Раёсати Хадамоти муҳоҷират дар вилояти Суғд мунтазам идома дода мешавад.

Шуъбаи Хадамоти муҳоҷирати шаҳри Хуҷанд