Бо ташаббуси шуъбаи Хадамоти муҳоҷират дар шаҳри Панҷакент дар Ҷамоати деҳоти ба номи Лоиқ Шералӣ, деҳаи Ғусар, чорабинии иттилоотию фаҳмондадиҳӣ байни кормандон ва оилаи муҳоҷирони меҳнатӣ баргузор гардид.

Дар чорабинии мазкур кормандони шуъба, ҷиҳати пешгирии падидаҳои номатлуби иҷтимоӣ миёни ҷавонон, хусусан шомилшавӣ ба ҳизбу ҳаракатҳои иртиҷоӣ, эмин нигоҳ доштани шаҳрвандон аз хатару таҳдидҳои терроризм ва экстремизм, соҳибкасб намудани занону бонувони хонашин ва ба ватан баргашта, бо мақсади паст намудани шиддати муҳоҷират дар байни занон, пешгирии савдои одамон, одамрабоӣ (қочоқи инсон) дар хориҷи кишвар, пешгирӣ аз омилҳои номатлуби нашъамандию нашъаҷаллобӣ ва пешгирии зуроварӣ дар оила, пешгирӣ аз омилҳои номатлуби коррупсионӣ ба ҳозирин ироа гардид.

Ҳамзамон баромадкунандагон оид ба маводи мухаддир, сухан гуфта қайд карданд, ки моддаҳои наркотикӣ ба рӯҳияи одам, хусусан ҷавонон таъсири бади психологӣ расонда одамро аз ҳаёт маҳрум месозад. Аз ин лиҳоз, падару модарони арҷманд бояд рисолати муқаддаси худ тарбияи поктинативу зебопарастӣ, башардӯстию инсонпарварӣ ва заҳматкашиву ободкориро дар замири фарзандон идома дода, насли навраси кишвари соҳибистиқлоламонро дар рӯҳияи ифтихори бузурги ватандорӣ ба камол расонанд.

Ҳамчунин, дар рафти чорабинӣ вобаста ба баланд бардоштани ҳисси ватандӯстии ҷавонон ва баланд бардоштани маърифати ҳуқуқии умумишаҳрвандӣ ва риояи қоидаҳои будубош аз ҷониби муҳоҷирони меҳнатӣ дар давлати будубош суханронӣ карда шуд.

Чунин вохӯрии судманд, инчунин дар дехаи Резгиф, Ҷамоати дехоти ба номи Иван-Точик бо сокинон ва муҳоҷирони меҳнатӣ вобаста ба пешгирӣ ва шомилшавии ҷавонон ба ҳизбу ҳаракатҳои ифротӣ, аз ҷумла терроризм ва экстремизм, муҳтавои Қонуни Ҷумҳурии Тоҷикистон «Дар бораи муқовимат ба савдои одамон ва расонидани кумак ба қурбониёни савдои одамон», Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва дигар қонунҳои амалкунанда анҷом дода шуд.

Раёсати Хадамоти муҳоҷират дар вилояти Суғд