Бахши Хадамоти муҳоҷират дар ноҳияи Чаббор Расулов оид ба баргузории корҳои иттилоотӣ- маърифатӣ дар якҷоягӣ бо кормандони Кумитаи давлатии амнияти миллии Ҷумҳурии Тоҷикистон дар ноҳия, КИ ХХДТ, шуъбаи Агентии меҳнат ва шуғли ахолӣ ва дигар мақомотҳои иҷроияи ҳокимияти давлатии ноҳия дар ҳудуди ноҳия бо сокинон вохӯриву мулоқотҳо гузаронида истодаанд.
Чунин як вохӯрӣ Ҷамоати деҳоти Ғулакандоз оид ба мулоқоти навбатии Асосгузори Сулҳу ваҳдати миилӣ Пешвои миллат, Президенти Ҷумҳурии Тоҷикистон, ки санаи 9 марти соли ҷорӣ баргузор гардида буд, ба аҳли ҷомеа расониданд.
Мудири бахши Хадамоти муҳоҷират дар ноҳияи Ҷаббор Расулов дар баромади худ оид ба терроризм ва экстремизм суханронӣ намуда, қайд кард, ки имрӯзҳо низ ҳастанд он гурӯҳҳои ифротгаро, ки хоҳони халалдор намудани вазъи имрӯзаи кишварҳоро доранд ба монанди (гурӯҳи террористии бо ном давлати Исломӣ, гурӯҳи террористии Ихвонул-муслимин, гурӯҳи Ҷабҳат-ун-нусра, Толибон, Лашкари Тайба, гурӯҳи Салафии таблиғ ва ҷиҳод) ва ғайраҳо ки ҷавонон муҳоҷирони меҳнатиро бо ваъдаи ночиз ба гирдоби фиребу гумроҳи ҳамроҳ менамоянд.
Аз ин хотир аз ҳамагон махсусан муҳоҷирони меҳнатӣ, ҷавонон ва дигар табақаи аҳолии ҷомеа хоҳиш ва талаб карда шуд, ки ба паёмакҳои шубҳаноки хусусияти экстримистӣ дошта ҷавоб надиҳанд ва ҳангоми рӯ ба рӯ шудан бо нафароне, ки пули зиёд ва кори муносибро барояшон пайдо менамоянд бовар накарда то ҳадди имкон аз онҳо дӯри ҷӯянд.
Бо ҳамин чорабинӣ ба охир расида қайд гардид, ки рузҳои наздик дар дигар Ҷамоатҳо гузаронидани чунин чорабиниҳо дар нақша аст.
Чунин чорабиниҳои навбатӣ дар деҳаи Худгифи сояи ноҳияи Кӯҳистони Мастчоҳ вобаста ба рафти иҷрои нуқтаҳои Паёми имсолаи Пешвои муаззами миллат ба Маҷлиси олии кишвар ва соли 2024 эълон гардидани «Соли маърифати ҳуқуқӣ», муҳтавои Қонуни Ҷумҳурии Тоҷикистон «Дар бораи тарбияи ватандӯстии шаҳрвандон», пешгирии шомилшавии ҷавонон ба гурӯҳҳои террористию – экстремистӣ баргузор карда шуд.
Дар Ҷамоати деҳоти Ёрии шаҳри Панҷакент шуъбаи Хадамоти муҳоҷират якҷоя бо намояндагони раёсати Агентии меҳнат ва шуғли аҳолӣ дар шаҳр ва кормандони МД “Маркази таълимии калонсолони Тоҷикистон” дар шаҳри Панҷакент бо фаъолону сокинони ҷамоат, раисони маҳаллаҳо ва оилаҳои муҳоҷирони меҳнатӣ бо иштироки зиёда аз 70 нафар шаҳрвандон вохӯрӣ доир намуданд.
Бахши Хадамоти муҳоҷират дар ноҳияи Ҷаббор Расулов
