Дар идомаи сафари корӣ ба вилояти Суғд муовини якуми Сардори Хадамоти муҳоҷират Шарифзода Маҳмадсалим Пир ба ноҳияи Ҷаббор Расулов ташриф оварда, дар Ҷамоати шаҳраки Меҳробод бо фаъолон вохӯрии судманд баргузор намуд.
Дар вохӯрӣ номбурда доир ба навовариҳо дар қонунҳои амалкунандаи Федератсияи Россия ибрози андеша намуда, қайд карданд, ки тибқи Фармони Президенти Федератсияи Россия аз 28 апрели соли 2025, таҳти №272 “Оиди ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126”, муҳлати қонунигардонӣ дар Федератсияи Россия то 10 сентябри соли 2025 тамдид карда шуд.
Шаҳрвандони Ҷумҳурии Тоҷикистон, ки дар қаламрави Федератсияи Россия бе ҳуҷҷати расмӣ қарор доранд, имконият доранд, ки то санаи 10 сентябри соли 2025 ҳуҷҷатҳои худро ба расмият дароранд.
Инчунин, ба иттилои ҳозирин расонида шуд, ки дар ҳолати пайдо гардидани саволҳо дар ин самт метавонанд ба масъулини Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федерастияи Россия дар самти муҳоҷират муроҷиат намоянд.
Ҳамзамон, дар вохӯрӣ муовини сардори Раёсати Хадамоти муҳоҷират дар вилояти Суғд Сатториён А., баромад намуда, ба иштирокдорон доир ба мавзуи муқовимат ба терроризм ва экстремизм суханронӣ намуда, қайд намуд, ки экстремизм – аз калимаи франсузӣ «extermisme» ва лотинӣ «extermus» гирифта шуда, маънои аслияш ифротдгароии тундравӣ фикру андешаҳо ва амалҳои тундравона якравона аз ҳад гузаштан аз андоза гузаштан буда, экстремист шахсиятест, ки дар фаъолияти худ ҷонибдори амалҳои тундравию якравӣ аст. Экстремизм шахсро ба сӯи содир намудани ҷиноятҳои марбут ба терроризм мебарад.
Ба ақидаи аксари муҳаққиқон, ҳуқуқшиносон, сиёсатшиносон, рӯзноманигорон экстремизм пештар аз ҳама ва бештар дар соҳаҳои дин дучор мегардад ва ин падида дар тамоми гӯшаю канори сайёраи мо ба амал меояд. Махсусан экстремизми динӣ дар замони муосир байни пайравони дини ислом бештар ба назар мерасад, ки мубаллиғони он аз муқарраротҳои дини ислом суиистифода намуда, тибқи дастуру нақшаҳои хоҷагони худ, ки душманони ин дин ҳастанд амал менамоянд.
Чунин чорабиниҳо дар дигар Ҷамоату маҳаллаҳо ташкил ва баргузор карда мешавад.
Раёсати Хадамоти муҳоҷират дар вилояти Суғд
