Бахши Хадамоти муҳоҷират дар шаҳри Истаравшан корҳои фаҳмондадиҳиро дар байни аҳли ҷомеа, аз ҷумла муҳоҷирони меҳнатии ба ватан бозгашта ва аъзои оилаи онҳо, дар самти падидаҳои номатлуб ва хатарҳои ҷаҳони муосир, пеш аз ҳама, терроризму экстремизм ва муҳоҷирати бехатар. пешгирӣ ва мубориза ба муқобили бемориҳои сироятӣ, тарғибу ташвиқи тарзи ҳаёти солим, ҷалби ғайриқонунии шаҳрвандони кишвар ба давлатҳои хориҷа, коҳиш додани муҳоҷирати меҳнатии занон, ҷалби муҳоҷирони меҳнатии воридшавиашон манъгардида ба НБО “Роғун” вохӯриҳо доир намуда, инчунин риояи расму оин, назорат ва танзими либоспӯшӣ махсусан дар байни занону ҷавонон дар кумитаи маҳаллаҳои шаҳри Истаравшан гузаронида шуд.

Мақсад ва баргузории чунин вохӯриҳо, пешгирии шомилшавии чавонон ба ҳаргуна ҳизбу ҳаракатҳои ифротгаро, терроризму экстремизм, дучори савдои одамон ва қурбониёни он нагаштан, инчунин пешгирии ҳодисаҳои номатлуб байни занону ҷавонон, муҳоҷирати бехатар ва рафти амалишавии Қонунҳои Ҷумҳурии Тоҷикистон “Дар бораи муҳоҷират”, “Дар бораи танзими ҷашну маросим дар Ҷумҳурии Тоҷикистон” ва “Дар бораи масъулият барои таълиму тарбияи кӯдак” мебошад.

Дар чорабинии мазкур намояндагони мақомоти иҷроияи ҳокимияти давлатии шаҳри Истаравшан, шуъбаи КДАМ, раёсати Агентии меҳнат ва шуғли аҳолӣ, бахши танзиму анънана ва ҷашну маросим, комиссарияти ҳарбӣ, раисони ҷамоату маҳаллаҳо, касбомӯзони Филиали МД “Маркази таълими калонсолони Тоҷикистон”-и шаҳр фаъолона ширкат варзида, байни иштирокдорон маъруза намуданд.

Ҳамчунин, ба ҳамаи иштирокдорон Фармони Президенти Федератсияи Россия аз 28 апрели соли 2025, таҳти №272 “Оиди ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126”, муҳлати қонунигардонӣ шаҳрвандони хориҷӣ дар Федератсияи Россия қарор доранд то 10 сентябри соли 2025 тамдид карда шудааст, шиносоӣ карда шуд.

Раёсати Хадамоти муҳоҷират дар вилояти Суғд