Бахши Хадамоти муҳоҷират дар ноҳияи Зафаробод дар якҷоягӣ бо Мақомоти иҷроияи ҳокимияти давлатии ноҳия, намояндаи шуъбаи КДАМ, КИ ҲХДТ дар ноҳия, комисарияти ҳарбӣ, шуъбаи Агентии меҳнат ва шуғли аҳолии ноҳия вохӯрии судмандро бо раисони маҳаллаҳо, муҳоҷирони меҳнатӣ ва аъзои оилаи онҳо дар Ҷамоати деҳоти Ҷомии деҳаи Навбаҳор баргузор намуданд.

Дар рафти суханронӣ мудири бахши Хадамоти муҳоҷират Ниёззода М., оид ба масалаҳои мубрами рӯз, пешгирии шомилшавии ҷавонон, алалхусус муҳоҷирони меҳнатӣ ба ҳизбу ҳаракатҳои ифротгаро, одамрабоӣ ва масъалаҳои муҳоҷирати дохилӣ баррасӣ гардида, зикр кард, ки рӯз то рӯз терроризм ва экстремизм ба хатари глобалӣ табдил ёфта, ҷаҳони муосирро ба ташвиш оварда истодааст.

Инчунин, ба шаҳрвандони ноҳия, ки барои фаъолияти меҳнатӣ ба кишварҳои хориҷа сафар мекунанд, корҳои иттилоотӣ-маърифатиро ҷоннок намуда, ба онҳо дар бораи тартиби дароз намудан ва ё кам намудани мӯҳлати будубоши шаҳрвандони хориҷӣ ва шахсони бешаҳрванд дар Федератсияи Россия, ба расмиятдаровардани ҳуҷҷатҳо, гирифтани Патент, қайди муваққатӣ, бастани шартнома бо кордиҳанда ва дигар масъалаҳои мубрами рӯз расонида шуд.

Ҳамзамон ӯ оид ба Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» ва дигар қонунҳои амалкунанда иброз намуда таъкид намуд, ки ҷавонони мо бояд ҳисси баланди миллӣ дошта башанд, бо Ватан, миллат, давлати соҳибистиқлоли худ ва забону фарҳанги миллии хеш ифтихор намоянд ва барои ҳимояи он ҳамеша омода ва ҳушёру зирак бошанд.

Бахши Хадамоти муҳоҷират оиди гузаронидани чунин вохӯриҳо дар дигар Ҷамоату шаҳраки ноҳия нақшаҳо тартиб дода шуд.

Бахши Хадамоти муҳоҷират дар ноҳияи Зафаробод