Бо ибтикори шуъбаи Хадамоти муҳоҷират дар шаҳри Исфара дар  Ҷамоати деҳоти Зумрад вохӯрии судманд бо сокинон, имомхатибон, муҳоҷирони ба ватан бозгашта ва аъзои оилаи онҳо доир гашт. Дар рафти чорабинӣ аз тарафи сардори шуъбаи Хадамоти муҳоҷират Ахмедов М., оид ба муҳтавои Паёми сарвари давлат, Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон, ки санаи 28 декабри соли 2024 ироа гардида буд, суханронӣ намуд.

Ҳамзамон, ба таваҷҷуҳи сокинони ҷамоати деҳот, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани Патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.

Қайд карда шуд, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ ва душманони миллат нагарданд.

Дар охир ба суолҳои иштирокдорон посухҳои мушаххас дода шуд.

Чунин як чорабинии судманд, бо ибтикори бахши Хадамоти муҳоҷират дар ноҳияи Спитамен дар ҳудуди ноҳия вобаста ба пешгирӣ ва шомилшавии шаҳрвандон ба ҳизбу ҳаракатҳои ифротӣ, экстремистию террористӣ, одамрабоӣ, муборизаи дастаҷамъона бо коррупсия, баланд бардоштани маърифати зиддикоррупсионии аҳолӣ ва дигар масъалаҳои мубрами рӯз, дар байни муҳоҷирони меҳнатии ба ватан бозгашта, корҳои иттилотию фаҳмондадиҳӣ баргузор гардид.

Раёсати Хадамоти муҳоҷират дар вилояти Суғд