Дар асоси нақшаи чорабиниҳо вобаста ба муҳтавои Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ва амалисозии татбиқи сиёсати давлатии ҷавонон таҳти унвони “Ҷавонон, Истиқлолият ва ҳифзи манфиатҳои миллӣ” дар толори муассисаи таҳсилоти миёнаи умумии рақами 24-и шаҳр бо ҷавонони маҳаллаи Зарбеди Ҷамоати деҳоти Пӯлотон бо омӯзгорон ва волидайни онҳо баргузор гардид.

Дар вохӯрии мазкур хатиби шаҳр – Мансурҷон Назиров, сармутахассиси шуъбаи кор бо занон ва оилаи назди мақомоти иҷроияи ҳокимияти давлатии шаҳр – Мамура Ҷӯраева, мудири шуъбаи рушди иҷтимои ва робита бо ҷомеа – Шоира Валиева, мудири бахши Хадамоти муҳоҷирати шаҳр – Фарзона Толибова, мудири бахши танзими анъана ва ҷаншу маросимҳо – Шӯҳрат Ғиёсов ва мудири бахши кор бо ҷавонон ва варзиш – Ҳусниддин Комилов иштирок ва суханронӣ намуданд.

Зимни баргузории вохӯрӣ аз ҷониби маърӯзачиён пеш аз ҳама оид ба пешгири содиршавии ҳодисаҳои номатлуб аз қабили шомилшавии ҷавонон ба ҳизбу ҳаракатҳои террористиву – экстремистӣ, ҷинояткорӣ аз ҷониби наврасону ҷавонон ва баланд бардоштани тарбияи ватандӯстии ҷавонон, маърифати сиёсию – ҳуқуқӣ ва фарҳангии онҳо, ҷалби саривақтии ҷавонон барои даъват ба хизмати ҳатмии ҳарбӣ дар сафи Қувваҳои мусаллаҳи Ҷумҳурии Тоҷикистон, фаҳмонида додани моҳият ва татбиқи Қонуни Ҷумҳурии Тоҷикистон “Дар бораи масъулияти падар модар дар таълим ва тарбияи фарзанд”, “Дар бораи танзими анъана ва ҷашну маросим дар Ҷумҳурии Тоҷикистон” ва ҳамзамон оид ба муҳоҷирати меҳнатӣ, муҳоҷирати бехатар, қонунгузориҳои нави Федераттсияи Россия, тарзи дуруст истифода бурдани шабакаҳои иҷтимоӣ ибрози назар карда шуд.
Зикр кардан ба маврид аст, ки чунин вохӯриҳо дар дигар маҳалла ва Ҷамоатҳо низ баргузор хоҳад шуд.

Бахши Хадамоти муҳоҷират дар шаҳри Конибодом