Бо ибтикори Мақомоти иҷроияи ҳокимияти давлатии ноҳияи Рӯдакӣ якҷоя бо бахшҳои Хадамоти муҳоҷират ва кор бо ҷавонон ва варзиши ноҳия дар Ҷамоати деҳоти Лоҳур бо сокинон вохӯрии маърифатӣ доир гардид.

Баромадкунандагон иброз намуданд, ки бо назардошти вазъи тағйирёбандаи ҷаҳони муосир аз ҳар ҷавони ватандӯсту хештаншинос, махсусан муҳоҷирони меҳнатӣ даъват ба амал меорем, ки ҳангоми будубош дар давлатҳои хориҷи кишвар, аз он ҷумла Федератсияи Россия, қонунҳои онро бе чунучаро риоя намуда, аз шомил шудан ба ҳар гуна ҳизбу ҳаракатҳои ифротӣ худро канора гиранд.

Инчунин, ҳамчун шаҳрванди Ҷумҳурии Тоҷикистон ҳифзи арзишҳои миллӣ, роҳ надодан ба хурофоту бегопарастӣ, баланд бардоштани ҳувияти миллӣ ва аз даст надодани зиракии сиёсӣ дар раванди ҷаҳонишавӣ зери сиёсати хирадмандонаи Пешвои миллат муттаҳид гардида, дар ин радиф бо Сафорати Ҷумҳурии Тоҷикистон, Консулгариҳо ва Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия  ҳамкории зич намоянд.

Ҳамзамон ба иштирокчиёни ҳамоиш, бахусус ба волидайни муҳоҷирони меҳнатӣ, ки айни замон дар кишвари Россия кору фаъолият доранд, расонида шуд, ки дар сурати ба мушкилӣ дучор шудан ва ё ниёз доштан ба кумаки ҳуқуқӣ ба Намояндагии вазорат дар Федератсияи Россия оид ба муҳоҷират бо суроғаи зерин муроҷиат намоянд!

1. Ҳавзаи федералии Марказӣ, ш. Москва:

+7 (495) 967-98-44 ва шабакаи иҷтимоии WhatsАрр” +7 (999) 912-58-68;

2. Ҳавзаи федералии Урал, ш. Екатеринбург: +7 (982) 739-89-98;

3. Ҳавзаи федералии Приволжие, ш. Уфа: +7 (966) 031-22-22;

4. Ҳавзаи федералии Шимолу Ғарб, ш. СанктПетербург: +7 (977) 963-25-69;

5. Ҳавзаи федералии Ҷанубӣ, ш. Краснодар: +7 (996) 120-77-77;

6. Ҳавзаи федералии Шарқи Дур, ш. Хабаровск: +7. (926) 311-52-53.

Бахши Хадамоти муҳоҷират дар ноҳияи Рӯдакӣ