Бо ибтикори бахши Хадамоти муҳоҷират дар ноҳияи Рӯдакӣ дар ҳамбастагӣ бо раёсати Агентии меҳнат ва шуғли аҳолии ноҳия дар Ҷамоати деҳоти Зайнабобод деҳаи Олисовет дар мавзуи «Хатари хурофот ва ифротгароӣ ба арзишҳои миллӣ, бақои миллат, амният ва ояндаи давлатдории миллӣ» ҳамоиш бо сокинони ҷамоат баргузор намуданд.

Дар ҷамъомад иброз гардид, ки суханронии Президенти мамлакат муҳтарам Эмомалӣ Раҳмон зимни мулоқот бо фаъолон, намояндагони ҷомеа ва ходимони дини мамлакат фарогири мубрамтарин масъалаҳои имрӯзи ҷомеа мебошад, ки ягон қишри ҷомеаро бетараф намегузорад.

Баромадкунандагон оид ба масъалаҳои таассубу хурофот ва зиёни он ба ҷомеа, сиёсикунонии дин ва оқибатҳои он, дин ва қонун, некӣ ва хайру савоб, бетарафӣ ва оқибатҳои ҷанги шаҳрвандӣ, масҷидҳо ва нақши онҳо дар ҷомеа, ҳаҷ ва моҳияти он, симои миллӣ ва либоси миллӣ, савоб ва моҳияти он, Ислом, тараққиёт ва таассуб, экстремизм, амалҳои террористӣ ва оқибатҳои он, таҳдиду хатари он ба арзишҳои миллӣ, амният ва субботи сиёсӣ, тамомияти арзӣ ва Истиқлолияти давлатӣ ибрози назар намуданд.

Чунин вохӯриҳои судманд дар дигар ҷамоатҳои деҳоти ноҳия мунтазам баргузор хоҳад шуд.

Бахши Хадамоти муҳоҷират дар ноҳияи Рӯдакӣ