Бо ибтикори Раёсати Хадамоти муҳоҷират дар вилояти Суғд шуъбаи Хадамоти муҳоҷират дар шаҳри Исфара барои таъмини иҷрои қарори Ҳукумати Ҷумҳурии Тоҷикистон аз 3 декабри соли 2021, №518 “Дар бораи тартиби амалӣ намудани муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2022-2024”, корҳои зеринро ба сомон расонид.
Мувофиқи нақша 15 оилаи муҳоҷирони дохилӣ бояд дар соли 2024 кӯчонида шаванд. Дар ин бора қарори Раиси шаҳр аз 02 феврали соли 2024, №33 «Дар бораи кӯчонидани муҳоҷирони дохилии аҳолии қобили меҳнат аз ноҳияҳои камзамин ва сераҳолии кӯҳистон ба водиҳои дорои заминҳои бекорхобида» ба имзо расид.
Ба 15 оилаҳо, ки ҳамчун муҳоҷирони дохилии аҳолии қобили меҳнат дар соли 2024 эътироф шудаанд, санаи 3-юми апрели соли равон қитъаҳои замини наздиҳавлигӣ барои сохтмони манзили истиқоматӣ ба ҳар яке ба андозаи 0,06 га аз мавзеи Моҳпарии шаҳр ҷудо карда дода шуд.
Бояд қайд намуд, ки аз тарафи шуъба бо муҳоҷирони дохилӣ вохӯриву мулоқотҳо мунтазам доир гашта ҷиҳати ҳарчи зудтар ба корҳои сохтмонӣ оғоз намудан, ба мавзеъи нав кӯчидан ва моҳияти муҳоҷирати дохилиро пурра фаҳмонида истодаанд.
Шуъбаи Хадамоти муҳоҷират дар шаҳри Исфара
