Бо мақсади ҷонибдорӣ аз ташаббуси Президенти Ассотсиатсияи футболи Осиёи марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ дар Маҷмааи Умумии Созмони Милали Муттаҳид дар бораи эьлони Рузи ҷаҳонии футбол, ки ҳамасола рӯзи 25 май баргузор мегардад, баҳри дастгирӣ ва ҳавасмандгардонии ҷавонон бозии футболи хурд миёни дастаҳои Вазорати меҳнат, муҳоҷират ва шуғли аҳоли Ҷумҳурии Тоҷикистон, Хадамоти назорати давлатӣ дар соҳаи меҳнат, муҳоҷират ва шуғли аҳолӣ ва зерсохторҳои Хадамоти муҳоҷират барои дарёфти “Ҷоми Сардори Хадамоти муҳоҷират” аз санаи 04 то 07 июни соли 2024 дар майдончаи варзишии Хадамоти муҳоҷират баргузор гардид, ки дар фазои тантанавӣ мусобиқаи мазкур ҷамъбаст шуд.
Дар ин мусобиқа 6 тими футболи кормандони соҳаи меҳнат, муҳоҷират ва шуғли аҳолӣ иштирок карда, байниҳам рақобат намуданд.
Баъд аз бозиҳои дӯстона миёни дастаҳо айён гардид, ки дастгоҳи марказии Хадамоти муҳоҷират сазовори ҷойи якум, дастаи Раёсати Хадамоти муҳоҷират дар шаҳри Душанбе сазовори ҷойи дуюм ва дастаи МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Душанбе сазовори ҷойи сеюм гардиданд.
Дар ҷамъбасти мусобиқа Сардори Хадамоти муҳоҷират Нодирзода Иматшо ва кормандони дастгоҳи марказии Хадамот иштирок намуданд.
Дар зимн аз ҷониби роҳбарияти Хадамоти муҳоҷират ба дастаҳои ғолиб медал, диплом ва туҳфаҳои хотиравӣ супорида шуд.
Дар интиҳо таъкид шуд, ки мо бояд дар оянда низ ба оммавигардонии варзиш ва таблиғи тарзи ҳаёти солим аз пештара бештар диққати аввалиндараҷа диҳем ва барои рушди соҳаи варзиш тадбирҳои тозаеро роҳандозӣ намоем.
Бояд тазаккур дод, ки воқеан, варзиш дар ҳар давру замон қосиди сулҳу дӯстӣ ва муаррификунандаи ҷаҳони маънавию солимии миллату давлат мебошанд.
Бо шарофати сиёсати хирадмандонаи Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон варзиш дар Тоҷикистони соҳибистиқлол ҳамчун ҷузъи муҳими таркибӣ ва пураҳамияти арзишҳои фарҳангӣ гашта, рушду инкишоф додани он дар байни табақаҳои васеи омма яке аз омилҳои муҳими солимгардонии ҷомеа ба ҳисоб меравад.
Тавре Президенти Ҷумҳурии Тоҷикистон муҳтарам Эмомалӣ Раҳмон иброз доштаанд, «варзиш қосиди сулҳ, муаррифи давлату миллат ва пайвандгари риштаҳои дӯстии ҷавонони мамлакат бо ҷаҳон мебошад».
Маркази матбуоти Хадамоти муҳоҷират
