Шуъбаи Хадамоти муҳоҷират дар шаҳри Исфара баҳри таъмини иҷрои Қарори Ҳукумати Ҷумҳурии Тоҷикистон аз 3 декабри соли 2021, №518 “Дар бораи тартиби амалӣ намудани муҳоҷирати дохилии аҳолӣ аз ноҳияҳои камзамин ва сераҳолии кӯҳистон ба водиҳои дорои заминҳои бекорхобидаи ҷумҳурӣ дар солҳои 2022-2024”, корҳои назаррасеро ба сомон расонид.
Мувофиқи нақша 20 оилаи муҳоҷирони дохилӣ бояд дар соли 2023 кӯчонида шаванд. Дар ин бора қарори Раиси шаҳр таҳти №62 аз 10 феврали соли 2023 «Дар бораи кӯчонидани муҳоҷирони дохилии аҳоли қобили меҳнат аз минтақаҳои сераҳолию кӯҳистон ба мавзеъҳои дорои заминҳои бекорхобида» ба имзо расид.
Ба 20 оилаҳо, ки ҳамчун муҳоҷирони дохилии аҳолии қобили меҳнат дар соли 2023 эътироф шудаанд, қитъаҳои замини наздиҳавлигӣ барои сохтмони манзили истиқоматӣ ба ҳар яке ба андозаи 0,06 га аз мавзеи Моҳпарии шаҳр ҷудо карда дода шуд, ки муҳоҷирони дохилӣ маблағҳои қарзи имтиёзноки худро аз филиали бонки “Амонатбонк” дар шаҳри Исфара гирифта ба корҳои сохтмонӣ оғоз намуданд.
Аз ҷониби Шуъба санаи 22 феврали соли равон бо муҳоҷирони дохилӣ вохурӣ доир намуда, ба онҳо шаҳодатномаи муҳоҷири дохилӣ (ихтиёрӣ) супорида шуд.
Бояд қайд намуд, ки аз ҷониби Шуъба бо муҳоҷирони дохилӣ вохӯриву мулоқотҳо мунтазам доир гашта ҷиҳати ҳарчи зудтар ба корҳои сохтмонӣ оғоз намудан, ба мавзеъи нав кӯчидан ва моҳияти муҳоҷирати дохилиро пурра фаҳмонида шуда истодааст.
Бояд қайд кард, ки чунин чорабинӣ аз ҷониби кормандони бахши Хадамоти муҳоҷират дар ноҳияи Кӯҳистони Мастчоҳ низ гузаронида шуда шаҳодатнома ба 10 оилаҳои муҳоҷирони дохилӣ аз ноҳияи Кӯҳистони Мастчоҳ ба ноҳияи Хуросони вилояти Хатлон супорида шуд.
Шуъбаи Хадамоти муҳоҷират дан шаҳри Исфара
