Экстремизм ва терроризм падидаҳои хавфнокест, ки ба амният, иқтисод ва рушди устувори ҷомеа зарба мерасонад. Он дорои ҳадафи созанда набуда, бар зидди сохтори ҷамъиятӣ, қонуният ва ҳамоҳангии байни халқҳо нигаронида мешавад. Аз ин рӯ, пешгирии ин раванд вазифаи муҳими ҷомеаи ҷаҳонӣ аст.

Яке аз воситаҳои муҳим дар пешгирии экстремизм ва терроризм, ба вижа дар байни насли ҷавон, таълим ва тарбияи ахлоқӣ мебошад. Тарбияи шахсиятҳо дар рӯҳияи таҳаммул, эҳтиром ба дигарон ва фаҳмиши гуногунии фарҳангӣ метавонанд таъсири манфии ақидаҳои радикалӣ ва экстремистиро кам кунанд. Ба ин муносибат, барномаҳои таълимӣ бояд хусусиятҳои ахлоқӣ ва эҳтиром ба ҳуқуқҳои инсонро бо равияҳои илмию маърифатӣ омезиш диҳанд.

Барои пешгирии аъмоли экстремистӣ, муҳим аст, ки давлатҳо дар амалҳои иҷтимоӣ ва иқтисодӣ равишҳои ҳамгироишударо ба роҳ монанд. Ба ғайр аз таълим, дастгирии гурӯҳҳои осебпазир, монанди ҷавонон, ки метавонад ба гурӯҳҳои экстремистӣ ҷалб шаванд, зарур аст. Ба воситаи таъсиси ҷойҳои корӣ, мусоидат ба рушд ва фароҳам овардани имкониятҳои баробар барои ҳамаи аъзои ҷомеа, аз ҷумлаи омилҳоест, ки одамон ба созмонҳои радикалӣ пайваст нахоҳанд шуд.

Бо рушди технология ва интернет, гурӯҳҳои экстремистӣ бештар дар интернет паҳн мешаванд, ки ин вазъият барои ҷомеа ва кишварҳо хатарзо мебошад. Маҳдуд кардани дастрасӣ ба маводҳои экстремистӣ, огоҳии бештари ҷавонон аз хатарҳои интернетӣ боис мешавад, ки сатҳи мубориза бо таҳдидҳои олами виртуалӣ қавитар гардад. Ҳамчунин, таҳия ва таҳқиқи стратегияҳои кам кардани таъсири гурӯҳҳои террористӣ дар интернет як марҳилаи муҳим аст.

Экстремизм ва терроризм дар баъзе ҳолатҳо асосан бо истифода аз идеологияи динии таҳрифшуда мардумро ба фаъолияти хатарнок ҷалб месозад. Ин ҳолат боиси мухолифат байни ҷомеаи башарӣ мегардад. Аз ин рӯ, таълимоти дуруст ва асоснок дар бобати дину фарҳанг дар сатҳи мактаб ва ҷомеа, ки диққат ба эътибори инсон, таҳаммул ва муҳаббати байни одамон мебарад, метавонад самаранок бошад.

Пешгирии экстремизм ва терроризм як вазифаи коллективӣ аст, ки бо талоши ҷомеа, давлат ва ташкилотҳои байналмилалӣ ба натиҷаҳои муҳим хоҳем расид. Маҳз тавассути таълим, ҳамкории байналмилалӣ, ташкили сиёсати иҷтимоӣ ва иқтисодии дуруст ва омодагӣ ба ҳуҷҷатгузорӣ метавон роҳҳои муассирро барои мубориза бо аъмоли экстремистӣ ва террористӣ пайдо кард.

Аҳрорзода Меҳроҷиддин,

Корманди масъули бахши робита бо ҷомеаи Хадамоти муҳоҷират